Fløtufestivalur

Fløtan var kortini ikki pallur í dag, tá ið starvfólk í Hoydølum høvdu grillveitslu. Vit sótu innandura, og grillin stóð undir taki. Lív fekk gávur og rósandi orð, nú ið hon bæði kundi halda 25 ára starvsdag og seinasta arbeiðsdag. Børnini høvdu kátt sítt lív í fimleikarhøllini. Studentaskúlin er eitt gott arbeiðspláss, tí støðast starvsfólkið so væl. Elsa Maria helt, at pensjónsaldurin skal setast upp til eini 75, tí vit missa so nógvan vísdóm og royndir við teimum , sum gevast. Tað haldi eg kortini, tey ungu munnu vera ósamd um.
Fleiri av okkara lærarum hava beint nú tikið ástøðiligt námsfrøðiptógv, tillukku við tí !
Tríggir av okkara nýslignu superpedagogum.

Salatbarrin var fjølbroytt og ríkiligt var til.
Rektarin gav Lív gávu frá skúlanum
                       

Lív segði nøkur væl vald orð.

Fríður handar Lív blómur frá lærararáðnum.


Herbert og Jóhanna (hjá Paulu Gaard).
Hatta serliga slagið av burgara havi eg ongantíð sæð áður – mariukeks, sjokoviðskeri og grillstoktir skúmfidusar.

Eg fór heim, tá ið eg hevði etið, so eg fekk ikki sjósvimjing og annað við. Men tað frætti eg um seinni.
Nú fari eg at ferðast í morgin. Vónandi komi eg fram á onkra teldu við internetsambandi á Gotlandi. So hoyrast vit!