Oct 25, 2015

Bókin um tað góða eftir Carl Johan Jensen

Bókin varð ummæld í Grindini hóskvøldið, Vár í Ólavsstovu rósti bókini og helt , at CJJ man fara at læra at skriva lesandi bøkur so við og við og ikki føla, at hann skrivar lættisoppar.
CJJ slapp sjálvur eisini til orðanna, fekk heilt nógva talitíð, og hann helt, at hetta var ein bók í skemtandi stíli, og at tað var lættari at skriva lættar bøkur enn tungar bøkur. Voila. problem solved!
.
Tað er pussigt at lesa inngangin, tá ið tú hevur lisið søguna, tí Viljálmur við Hoygil greiðir jú frá og tulkar bókina hjá K. Tað er nokso framligt av útgevaranum soleiðis at leggja sína tulking oman yvir verkið, og Vár  fekk forrestin eisini íblástur til sítt ummæli har.
DSC00780[1]
Men K. tekur lívið av sær, men kanska hann verður bjargaður? Tí bókin endar hóast alt hálvanannan minutt. áðrenn hann doyr. Kanska hann verður rivin burtur frá tromini í evstu løtu. Kanska hann fer ferðina til Santiago. Sum nú bókin er “um tað góða”, mást tú sum lesari undrast og leita , meðan tú lesur, eftir tí góða, og tað er sanniliga ikki eyðfunnið. Ikki er nógv gott at finna úti á Reyni heima hjá K, har mamman hevur bannlýst ást. Ella í teimum lýstu hjúnabondunum, bæði eldri og yngri. Ella heima hjá Annu Liviu, men K. vísir seg at trívast har í horuhúsinum saman við Mariu Callas……ja til hin ræðuliga hendingin fór fram.
Mál
Tað stuttligasta er málið, men CJJ man elska at lesa orðabøkur hugsi eg. So fjølbroytt og við uppruna úr ymsum hornum, men hann skrivar ofta sera langar setningar, sum kortini eru lættlisnir. Men CJJ hevur fingið sær fyri at knýta setningar saman við “men” á heldur bíbilskan hátt, har ið vanligt er at seta “og” ella onnur sambindingarorð.
Eisini samanberingar við “so – sum”, har vit vanliga hava tveir líkar liðir sum t.d. “so góð sum dagurin er langur”:
“so ólastiliga íðin í trúnni sum hon altíð gekk smakkvíst ílatin”
“og lyklatevin so góðan…sum hon var ókristiliga breið vorðin” (44)
Stílurin er fyrst og fremst sera orðaríkur, tað er ein orðagleði, sum smittar lesaran, sum eitt orðamaraton:
“Gjøgnum sína hugleiðing, við at opna sansir og skil fyri sanglistini ….í hugførslu, í ein hypnotiskan tilstand, og hugførslan…handanvitsligt útsýni….eingin felagsskaptur tørvur, longsil ella ástreinging…einskærað…innanskyninum í eini eilívisvídd av kærleika og ljómi.” (67)
“Alt so isiani” (172)
Og myndamál og orðafelli eru bara so stuttlig og undirhaldandi, kryddað við viðmerkingum til okkara egnu lítisverdu trupulleikar, sum ku, sett og eks.

Persónar
Tað næststuttligasta er mostirin Kolfinna, hon er herlig, sum hon manrerar, tá ið maðurin sparikassastjórin er deyður.
Foreldrini hjá K eru eisini rættiliga væl lýst, pápin sum altíð tagdi, til tað brast fyri orð og mamman, sum er missiónsk.
K. sjálvur er so hvørkisligur, at hann er púra óáhugaverdur, ? Øll óhøpp og allar vanlukkur raka mannin, mær kemur hann fyri næstan sum Job. Men um tað góða í eftirlívinum skal vigast upp í móti tí illa í hesum, so fær hann eitt fínt eftirlív.
Kanska eg nú klári at lesa hinar bøkurnar hjá CJJ, men kanska ikki.


Oct 21, 2015

BUSSURIN STEÐGAÐI IKKI!

Bussurin steðgaði ikki, segði hann við grátrødd. Vit royna altíð at vera í góðari tíð hava lært tann 7 ára gamla, hvar stoppistaðið er, vit fylgja honum á stoppistaðið, tá ið hann skal í skúla, eg hevði fylgt honum hagar eisini í morgun.

So stendur hann har við síni stóru tasku og bíðar í skýlinum í myrkri klokkan hálvgun átta á morgni. Og so pínadoyð koyrir bussurin bara framvið? Álvaratos kann sjaførurin ikki skeita inn í skýlið, væl er drongurin bara 7 ár og væl er tað ikki ljóst klokkan hálvgun átta, men tú góðasti, sum tað var synd í honum.

BUSSUMENN!! hyggið inn í skýlið áðrenn tit drøna framvið! Hann stóð also heldur ikki og krógvaði seg, men stóð afturundir fyri vindinum.

Hetta var fimmarin á Landavegnum í morgun.

Oct 19, 2015

Á heystardegi í Dali

Vit vóru øll í Dali í heystferiuni. Teir vóru á fjalli mánadag, og Turið kom suður týsmorgun við øllum sínum, og týskvøld høvdu tey flett tað, sum vit fingu. Men fjallið er ikki  liðugt enn, har suðuri liggur seyðurin í fylgjum, og siðvenja er at reka í fleiri umførum - sera ópraktiskt hjá eigarum, sum ikki búgva á staðnum, og sum hava sett heystferiuna av til júst hetta arbeiði. Ja ja eg veit, uttanbygdarfólkið má laga seg eftir siðvenjum á staðnum, men tá ið tað næstan bara eru uttanbygdarfólk í haganum, tá er kanska nakað øðrvísi.

Annars gingu dagarnir sum vant, børnini vóru nógv úti, tey súkkla, og Kristina fer skjótt at læra seg,  og Hebert brúkar eina unglingasúkklu.

DSC00772DSC00778

DSC00773

Í skúlatúninum er virksemi av ymsum slag, Annfinn slær í plantasjuni, og Jónas kemur úr haganum við gásini. Og børnini sparka.

DSC00711

 

DSC00763

 

 

DSC00746DSC00753DSC00749

Og so er tað flettingin sjálvandi, blogglesarar skula ikki snýtast fyri bygdarsnobbarans myndir av “tálg millum fingrarnar og blóðslettir í andliti”, sum ein skrivaði á FB.

DSC00727

Gubbin er komin í kjallaran at hjálpa til

DSC00723DSC00734

Tað er lættari, tá ið ein partur av tummingini er mekanisk.

DSC00716

Magna fer syngjandi svingandi út á Bakka við einari spann.

Og ikki at gloyma caféina, hvønn dag vóru vit á Café og drukku kaffi við so frálíkum klattum frá Henny afturvið.

DSC00718

Tordis, sum eg kendi væl, tann tíð tað var, var túr í Dali við familjuni, stuttligt at síggja hana, og slett einki broytt í tey uml. 50 ár. Tann ungi maðurin Kári segði seg hava gingið í skúla við Briani og Sølva í Lopra. Tað meini eg, so er …….

DSC00742

Oct 10, 2015

LISA Í LEIKALANDI eftir Lewis Carrol

Eitt bókaverk í trimum bindum (2.500 síður) um týðingar av Alice in Wonderlander útkomið í USA. Hugsa sær til at vera so hugtikin og so nærlagdur granskari at seta sær fyri at savna upplýsingar um allar 144 umsetingarnar av bókini til ymisk “vanlig” mál – pluss fleiri á ymsum enskum málførum, pluss fleiri konstruerað mál.

DSC00682[1]

Sum sæst á myndini omanfyri eru bindini ávikavíst: greinir um hvørja umseting og myndir av permum, endurumseting av ávísum broti í bókini til enskt við viðmerkingum til staklutir í umsetingini, og tað síðsta bindið er eitt yvirlit yvir allar útgávurnar.

Tann føroyska bókin Lisa í Leikalandi er við í øllum trimum bindunum. verkið hevur verið ávegis í mong ár, tað var til at hátíðarhalda 150 ára dagin hjá Lisu.

DSC00696[1]

Greinin er sera stutt, men stuttligt at vera við.

DSC00702[1]

DSC00689[1]

Oct 8, 2015

Kontakta okkum leypandi!

 

túr við Louis ofg Madeleine 007

Ein margháttlig áheitan má eg siga, skal eg út at renna fyri at fáa fatur á teimum, og hvar eru tey? Standa tey fram viåð vcegnum og taka ímóti boðunum?

Vilhelmina ringdi í dag, hon hevði hetta hjartasuffið at onkur skuldi kontaktast leypandi. Nakað so pillbýtt at siga, næstan líka pillbýtt sum “í tí langa leypinum” – tøðleypinum!

Ja VIlhelmina, tað er mangan tungt at hoyra loppu goyggja!

Oct 5, 2015

Transilvania 4

Sunnudagurin var heimfaringardagurin – men fyrst skuldu vit fara eina spennandi útferð. Leiðin gekk til Turda, har eitt salt nám er, sum er gjørt til ferðamál. Og tað er so sera væl gjørt, og nógv ferðafólk vitja, sum tann fryntligi undi maðurin segði, nú er tað ikki saltnám men gullnám.
DSC00532
Vit fóru inn í námið og djúpt, djúpt niður – frískligur saltangi allan vegin. Inni í indrum jarðar hava tey gjørt eitt stuttleikarúm, har var spælipláss, golf og borðtennis, og har bar enntá til at rógva í smáum bátum á einum vatni. Hagar niður var farandi við lyft. Vit hugdu niður av balkongini, sum vit gingu á.
DSC00573
Ferðaleiðarin dugdi sera væl enskt og greiddi væl frá arbeiðinum í náminum. Hann vísti okkum træmaskinuna, sum varð brúkt til at heysa saltsekkir upp úr náminum við, ross vóru á hvørjum armi og drógu maskinuna runt. Han nevndi, at rossini høvdu eitt hart lív og livdu ikkileingi, hann nevndi eini um menniskjuni høvdu eitt hart lív.
DSC00554
Í n´minum var eitt bønarrúm við halgimynd, sum arbeiðararnir bóðu til, árenn teir fóru níður í dýpi.
Vit sluppu at smakka saltið á vegginum, tað smakkaði væl. Saltveggir og saltloft í einum stórum katedrali, tað var virkuliga flott.
DSC00548DSC00550
Uttanfyri vóru nakrar sølubúðir.
DSC00535
Og nú gekk leiðin á flogvøllin, bíðrøðin á flogvøllinum gekk nokso seint, men boarding passini skuldu eisini skrivast við hond Smile
DSC00597
Deiligt at hava sæð ein lítlan part av Evropa afurat – men Rumenia er ikki lítið, tað er stórt og sentralt.

Oct 2, 2015

Transilvania 3

Leygardagurin var settur av til at fara út hvør sær. Turið og eg høvdu avgjørt at fara í Mentanarhúsið, sum var har í nánd. Í mentanarhúsinum sóu vit teirra føstu framsýning, stuttligt at samanbera við føroyska list. Kinna hevur skrivað ein blog um sína vitjan á hesi framsýning www.listaportal.com 30. september.
DSC00449
Vit sóu eisini tað tey kalla speglsalin, har m.a. vóru vindeygu við myndum úr kvæðum. Sera áhugavert. Turið sá hesa lýsing um ein festival, Christian M. hevur umsett yrkingar hjá hesum skaldi..
DSC00414
Vit vóru eisini og hugdu at kirkjulist.
DSC00450DSC00459DSC00463
Men shopping var ikki so feitt, fáir handlar eftir okkara tykki og ikki so spennandi úrval. Hetta handilsvindeyga er kanska eitt dømi um vindeygaprýðing, tey vísa ymisk sløg av battaríum á einari rundari plátu.
DSC00437
Ì katólskum londum er skikkur at brúðarvígsla fer ikki fram í advent og ikki í tíðini fyri páskir, tí verða upp á seg nógvar brúðarvígslur ta tíðina tá ið kirkjan  hevur hetta slag av hátíð, vit sóu nógv brúðarpør í býnum.
DSC00432
Tá ið vit høvdu malið okkum upp í skúm settu vit okkum við einum hvítvínsglasi.
DSC00464DSC00466
Men so um kvøldið, tá var tað tað stóra rumenska kvøldið, vit høvdu bílagt borð til 100, og har var vakurt borðreitt. Maturin var…ja, tú gitti rætt. Men forrætturin var serstakur, spik og flesk og feitt í ymsum líki. Eg smakkaði okkurt av tí. Tað hvíta í mittuni er spik av grísi, sama struktur sum okkara spik av hvali. Og lat meg ikki gloyma at nevna, at nógv mikið av drykkivørum vóru, m.a. ein sjáldamur snapsur, sum smakkaði roykt.
DSC00485
DSC00467
Sangur og dansur var eisini undire borðhaldinum, tvey pør í búna dansðu ymsar dansir. Og vit høvdu eisini okkara millum eitt par, sum gav eitt nummar.
DSC00492DSC00495DSC00500
Eitt fínt kvøld, kanska í so nógvur larmur við hvørt.