Mar 31, 2015

Ein góður túrur vesturi í Vágum

Turið hevur lagt ein túr til rættis fyri familjuna og meg. Vit fóru vestur um middagsleitið, tá sá veðrið ikki akkurát so lovandi út. Kavarok á hálsinum í Sandavági.

002

So fóru vit á gamla hotellið í Miðvági at fáa okkara kømur, har var deiligt at koma inn, Turið og Hallur fingu kongliga móttøku,

004

og eg og børnini eisini

005

So var tað Lakeside túrurin. Tað var betri veður nú, og báturin lá klárur við flúgvarabedingina, kaffi og kakur vóru í boði, og vit løgdust ikki á boðini. Skiparin Ólavur greiddi frá ymsum.

011

Hinumegin vatnið fóru vit upp á land, og Ólavur greiddi frá, hvussu hann hevur eygleitt urðina har úti gjøgnum árini. Stórir klettar koma sendandi og aðrir flyta pláss. Skónvøkstur avdúkar eisini, um steinur hevur ligið leingi ella stutt. Ein sera frískligur túrur. Á hesi myndini eru vit øll. Tey smæstu Kristina og Ranja lógu umborð í hvør sínum vogni.

050

Seinni fóru summi á krígssavnið, og at enda ótu vit saman á Hotel Vágum.

Um kvøldið lósu vit Páll fanga, og í morgun fóru vit aftur túr. Vit sóu Mikkjal á Ryggi, Rúnarsteinin og TIndhólm.

069083

Mar 24, 2015

Bókastev í Miðvági

P1060207

Sólrun helt bókakvøld í Miðvági í kvøld, vit vóru 8 konur, og á skránni var Viderø. Hann er nokso aktuellur, nú ið Bergur skjótt skal halda ph.d. fyrilestur um hansara verk. Tað verður 24. apríl, og vit gleða okkum.

Tað var heilt løgið, at hópurin hevði býtt seg sundur í ein part, sum elskaði bókina hjá Viderø um Jorsalaferðina og ein part, sum hevði stríðst og strevast og hata tað og ikki komið ígjøgnum, og onkur hevði  lisið skeiva bók.

Má her endurgeva Bergljót Madsensa statusuppdatering á FB:

..eg lesi "Ferð mín til Jorsala" so alt annað blívur burtur,og sjálvt um eg ikki skilji helvtina av orðunum, so verði eg lyft upp á arnaveingir og hoyri lúðraljóð. Annars bleiv eg gleðiliga yvirraskað tá eg fann orðalistan aftast í bókini. Tað lætti um forstáilsið.

Stuttligt at uppliva slíka lesigleði og entusiasmu, og Bergljót og Randi og Brynhild fara til tað heilaga landið á páskum. So tær hava rættiliga fyrireikað seg, og nú skula tær bara lesa bíbliuna ígjøgnum, so eru tær fit for fight.

Henda ferðin hjá Viderø við báti til Skotlands, síðani Ongland, Frakland, og so bát úr Marseille til Ísrael er ein andalig granskingarferð. Viderø fer inn í mangar kirkjur, og á leiðini ber hann saman sína egnu trúgv og alt tað hann sær. Høvundurin er als ikki missionerandi, hann er eygleiðari burturav. Eg var eitt sindur spent at vita, um hann tók støðu í miðeysturspurninginum sokallaða, men nei ikki ordiliga, honum tókti synd í arabarum, sum blivu riknir burtur og harmaðist um, at Sára rak Hagar og Ísmael burtur tann tíð tað var, men  hann dugir eisini at síggja, at ísraelsmenn eru nógv raskari og arbeiðsamari enn arabarar.

Eitt so sera spennandi eyðkenni við bókini er samanberingarnar við Føroyar allan vegin. Best, sum hann lýðir á klokkuljóð í Durham ella Rom, hoyra vit hvalvíkingar spyrja, nær prestur man fara at koma aftur. Og tá ið hann hoyrir sálmasang ella urguljóð, minnist hann pápa sín á spunakrakkinum. Hesin spunakrakkur verður symbol fyri ta gomlu føroysku trúnna og mentanina, sum Viderø hevði við sær allan vegin.

Viderø verður ein ikki liðug við.

 

.

Mar 22, 2015

Fimleikaframsýning í ítróttarhøllini á Nabb

Nógv fólk, nógvur gangur, harður musikkur. Men væl fyriskipað, gekk skjótt at avgreiða liðini, sum vóru 11 í tali. Og ein skrá var so tú fekst fylgt við, nær tíni skuldu á gólvið.

P1060125

Ein slík rúgva av søtum gentum og dreingjum, sum øll gjørdu sítt ítarsta – onkuntíð misti onkur fokus og stóð og stardi út í tóman heim ella stakk fingurin í munnin. Men sum tey vóru elskulig. Summi gjørdu “seriur”, og onnur brúktu mest amboð. Tað er ikki so lætt at taka myndir í hesum stóra rúmi, meðan alt er í rørslu, men her sæst Magna leiðandi mammu sína í innmarsjinum

P1060130

Magna og Turið vóru í fyrsta liåðinum, sum kom inn, “foreldur og barn”. Hendan venjingin eitur “Lítli Pætur eiturkoppur Og á tí ókláru myndini er tað nokk “so klappa vit”.

P1060147P1060137P1060149

P1060154

Og so var tað Herbert, hetta er triðja árið , hann gongur til fimleik. Og hann er kvikur, sterkur og raskur. Tað sást, at um tú ikki klárar eitt fyrstu ferð, so er at royna aftur, til tú klárar tað. Meðan teir bíðaðu lurtaðu teir eftir søgu. Venjarar taka uppgávuna í álvara, tí tað er leingi at bíða, og ein søga styttir væl um bíðitíðina.

P1060158

P1060174P1060175P1060176P1060177

Russinan var eisini við, men hon svav alla tíðina.

P1060186

P1060188

Mar 18, 2015

Zapatista eftir Duritu Holm

Tann føroyska krimidrotningin hevur givið eina bók út aftrat um Alisu, ta norsku konuna, sum er fólkalívsfrøðingur, og sum uppklárar morð.

untitled2

Zapatista er eins og hin fyrra bókin intelligent undirhald. Tú fært okkurt at vita. Durita ger sínar kanningar til lítar, áðrenn hon skrivar, so at tú sum lesari følir, at tú fært okkurt afturat tí “bíliga” undirhaldinum.

Ikki hevði eg hoyrt zapatistar nevndar fyrr, umhvørvið er Meksiko, passaliga eksotisk. Plottið hevur fleiri krókar, men er ikki so fløkt,  at tú villist í tí. Durita válkar sær ikki í skotbardøgum og blóði, men dugir meiri enn so bæði at skriva um harðskap, sex og píning.

P1060078

Persónar. Alisa er norðurlendingur, mentað og vælmeinandi. Hon heldur, at rættvísi má sigra til endan, og at mann má líta á politi og myndugleikar. Men Emilio lærir hana nakað annað. Sambandið, eisini tað erotiska sambandið, ímillum Alisu og Emilio, er ein áhugaverdur tráður í bókini. Emilio er guriljahermaður og ger alt fyri sítt fólk. Hann er trúfastur vinur og kropsliga væl fyri. Presturin Antonio og hansara húski eru fangað í hesum stórpolitiska valdsstríði. Presturin og húshaldskonan Inmma eru gerandispraktisk, djørv og dámlig í allar mátar. Og so er tað hin kalda, stásiliga Juanita, kapitalsins umboð, sum so kortini eisini hevur aðrar síður. Jú, her er eitt úrvalspersónsgallarí til at geva bókini ferð og autentisitet.

untitled

Temu. Havi ikki lisið hasa nógv umrøddu bókina við 50 grábrigdum, men her hjá Duritu er svart og grátt sanniliga umboðað. Nokso kinky, at Emilio altíð er í hasi svørtu brølapuni, eisini tá ið hann í síni girnd vil hava Alisu, sum væl at merkja eisini vil hava hann. Teirra ástarsamband er harðligt og rátt og skjótt. Eitt sindur s/m kent kanska ? Spennandi…...á føroyskum.

Tað er stórkapitalurin, sum er mótparturin í stríðnum, eitt námsfelag, sum skal gera eitt silvurnám,  og mentanarsamanbresturin verður væl lýstur. Námsfelagið skal útvega arbeiðspláss, betri livikor, vegir osfr. , men fólkið har vil ikki hava tað slagið av menning. Umhvørvismál eru sjálvandi ein táttur, og tær aldargomlu politisku rørslurnar síggjast glímast.

Ein frálík bók.

Mál. Tað hevði klætt bókini, at ein rættlestur afturat varð lisin. Og hvør sigur elefanthúgva? Sigur Durita elefanthúgva, ella siga tey tað, har sum hon sleit sínar brølapur? Sum so ofta, tá ið vit hava eitt orð, sum ikki líkist donskum, so skal tað avhøvdast, og eitt danskt setast í staðin. Balaklava líkist ikki einum fíli.

..

Mar 15, 2015

Kvøldskúlin - ein kulur skúli

Einaferð havi eg verið á skeiði í bókbinding, einaferð í møblapolstring og einaferð í spinning.

image

008

Hvørja ferð havi eg kent meg væl og hugnað mær. Nú eri eg so byrjað sum lærarafólk á kvøldskúlanum, og eg skilji, at frálíka samkoman fríggjakvøldið fyri starvsfólk á skúlanum er tann fyrsta av sínum slag. Tað var sera hugnaligt og væl fyriskipað. Og nokso festligt at vera blivin kollega aftur við Bozenu og Henriettu – ja og mong mong onnur.

Fyrst var fyrilestur um Kierkegaard, og eg má siga, at Jógvan Hansen hevur pedagogisk evni. Tað var als ikki turrisligt, men spennandi. Endiliga fekk eg sett Kierkegaard í eitt horn í heilanum. Havi ofta ætlað mær at lisið hann, men also also tað er tungt. Men  fyrilesarin segði, at tað var best at byrja við onkrum løttum sum “Enten-eller”, men eg vildi ikki siga, at tað also var júst tann bókin , sum eg hevði roynt at byrjað við.

Maturin var heilt fantastiskur, lekkur buffet við kjøti og eplum og salati, og omaná var heimagjørdur ísur við frukt – og ikki at gloyma avec.

10987358_10205087036948313_2809320526255569620_n

Stjórin tók ímóti í durunum, og hann segði eisini farvæl, tá ið vit fóru.

Annars má eg taka undir við Arna Thorsteinsson, sum reisti seg upp og rósti fyrisitingini á skúlanum. So fyrikomandi og hjálpsom sum tey altíð eru, skuldu tey verið fyrimynd hjá mongum skúla og kontóri í Havn.

043044

Mar 12, 2015

Morgunflokkurin 14-15 liðugur

0ad35932-853f-4228-bc6c-b7d461d85a23

Penny, James, Winda, Marie, Yoyo, Inger, Bergljót, Eyðbjørg,

Khirvie, Delia, Pannida, Waritsara, Hilda, Marika,

Lina, Manilyn, Sasichon, Natasha, Siriporn

Samkoma var í Reinsarínum, tað var ordiliga stuttligt og festligt. Eg má siga, eg eri errin av næmingunum, so røsk tey hava verið. Ein stórur partur hevur møtt 100 % av tímunum, gjørt heimaarbeiði hvønn dag og havt gleðilyndi og áræði við í skúla hvønn dag. Tey eru, sum vera man, fegin, at hava fingið eina skeiðsváttan. Vónandi byggja tey øll á tað grundarlag, sum er lagt, hetta er sjálvsagt bara ein byrjan.

Skráin fyri samkomuna var góð og passalig. Uni Debess sang og spældi, mmmmaaa hann er góður also!

10547449_954376037906324_2399106292641733880_n

1907575_954378377906090_7988795972928009541_n

Jógvan Sørin handaði teimum skeiðsváttan, og myndir vórðu tiknar. Winda og Jógvan S.

Av talum vóru Bjørn Kalsø og Heðin Mortensen (hon er á heimasíðuni hjá býnum) og ikki at gloyma Manilyn, longst til høgru á myndini niðanfyri, sum helt eina talu á perfektum føroyskum, eina persónliga talu, eina takkartalu. Jú eg kann vera glað og errin!

11054279_899024266784431_880779705293291680_n

Marie. Penny, Sasichon, Manilyn, Eyðbjørg

10628467_954376334572961_2551845693374432259_n - Copy11020226_954375871239674_7571859075788780848_n - Copy

Natasha, Yoyo, Sasichon, Delia, Winda, Yoyo, Lina

11061687_954376474572947_904582258681627304_n

Yoyo, Winda, Sasichon, James og Khirvie

11050744_954376427906285_4471809811316107462_n

Waritsara, Yoyo, Bergljót

11052511_954376381239623_147841085322042860_n

Inger, Yoyo, Eyðbjørg

Sjálv heilsaði eg upp á tey avvarðandi og minti tey á at tosa føroyskt heima. Deiligt at síggja foreldur, hjúnafelagar og verforeldur hjá næmingunum.

Skúlin bjóðaði deiligt kaffi og munnbitar afturvið.

Ikki frítt fyri at vera nakað sorgblítt, tað hevur verið intenst, ein deilg tíð við deiligum menniskjum.

Mar 2, 2015

LOPPUR á háskúlanum

Ein hugnaligur dagur á háskúlanum leygardagin, eg veit ikki, hvussu nógv tey fingu burturúr, men hugnaligt var tað! Mann sá nógv fólk, og nógvar loppur. Tað er sjálvandi spell, at játtanin hjá háskúlanum ikki røkkur til termostatar á radiatorarnar, men játtandi at tey hugsa alternativt og gera okkurt sjálvi.

P1050982

Umhugsi at gerast professionellur klunsari nú ið pensiónstilveran kemur. Ferðast kanska bygd úr bygd við einum barnavogni við lutum at selja….

P1050985

Handan bókin fremst í myndini er ikki seld enn, so kanska tit keypa hana, tá ið Fjálvi fer at hava marknað. Hon er eitt sindur serstøk, eg meini hvussu nógvar upprunaskrivaðar bøkur eru á føroyskum við erotiskum innihaldi, í hesum skuggatíðum.