Apr 28, 2013

Frælsi

Lesturin í Dals kirkju í morgun var úr “Meðan hildið verður heilagt” (1943) hjá Jákupi Dahl. Hann hugleiðir um ‘satt frælsi’ og falskt frælsi, at vera óbundin, fríur ella fríaður. At halda seg vera frælsan og so ikki vera veruliga frælsur er beinleiðis skaðiligt, lesturin er sjálvandi skrivaður út frá bíbilskum fortreytum, men Jákup Dahl var sjálvstýrismaður, kanska ein lítil politiskur tanki eisini er við?
imagesCAJQ9R87
Eg sat og hugsaði um, um Jákup Dahl mundi hava lisið Freud, lesturin býtti á freudianskan hátt menniskjað sundur í nakað dýriskt og so okkurt, sum var frælst….frælsi at velja, hvat mann skal selja seg sjálvan og frælsi sítt til….tveir eru vegirnir, annar førir til dýrini, til ólevnað, sigur Jákup Dahl….ikki til illamann, hin førir til Guds, og har ímillum gongur menniskjað. Er tað ikki so, at vit sløra nokso illa ímillum báðar gøturnar?
imagesCA6GV6F2
Eg helt Jákup Dahl var rættiliga harður við menniskjuni, sum ganga á tí breiða vegnum…at kalla tey dýr?

Apr 24, 2013

Grønland – har var alt

004
Bergljót og Bergljót
Túrurin í morgun saman við Bergljót úr útvarpinum var eitt gott upplivilsi, tað var stuttligt at síggja fyrrverandi og núverandi grønlendingar. Tað var rættiliga óformligt prát, fólk gjørdu viðmerkingar og hjálptu til. Og ikki fyrr enn aftaná varnaðist eg, hvussu gjøgnumkøld eg var.
Okkurt er, sum eg ikki segði, sum eg hugsaði at siga. T.d. at veðurstøðin var í Grønlandi, og at vit børnini høvdu stuttleika av at fylgja við, tá ið teir sleptu veðurballónini hvønn dag, so kom róp í ‘lumpalón!’ róptu vit, kanska vit vóru óvon við luftaballónir, sum nú eru í hvørjum føðingardegi og fáast ókeypis á marknaðardøgum.
veðurstøðin
Á hesi myndini sæst veðurstøðin púra einsamøll úti í haganum, myndin er frá 1954. Húsini eita í dag Slættalíð 2 og eru sethús.
Vit byrjaðu á Mikksa bø, eg minnist, tá ið TIVOLI var har á bønum, tá vóru glómur í okkum at síggja klónar og akrobatar.
Eitt annað, sum eg avgjørt ætlaði at nevna, var, at vit høvdu skraddarar eisini í Grønlandi, bæði Odvald Ørvarodd í Eiriksgøtu og frú Blåsvær í Torfinsgøtu. Mamma plagdi at bíleggja kjólar til okkara, eg hugsi tað var vanligari tá at seyma heima/hjá skraddara, so bleiv tú boðsend at koma at passa. Onkuntíð kundi mann fáa okkurt plagg úr Barnabúna í Konradsbrekku.
Ein, ið eg arbeiði saman við, segði, at vit vóru í so ‘innforstaðin’ í sendingini, tað er ein vansi, tá ið tú ert so óformell, og øll kennast so væl.
sólrun, leyvoy
Hesar báðar myndirnar vísa útispæl í 60unum. Á ovaru myndini sæst kioskskeltið hjá ‘Dallas’ ella í ovaru kiosk, sum vit róptu, á teirri niðaru spæla Sólrun og Leyvoy við dukkur.sólrun,leyvoy
Fleiri stór arbeiðspláss vóru úti í Grønlandi, t.d. bryggjaríið. Vit plagdu at fara at bidda sodavatn, onkuntíð fingu vit eina fløsku av nýbryggjaðum sitrón- ella appelsinvatni. Eg minnist maltroykin uttan fyri bryggaríið, tað luktaði eitt sindur sum breyðsúpan. Og hinumegin ‘bøin’ uppi hjá okkum var margarinfabrikkin MARGA. Og so ikki at gloyma Snikkaravirkið. Teir løgdu kanska hesi virki út um býin, sokallað ídnaðarøki, sum nú 60 ár seinni eru næstan mitt í býnum.
omma og jóhannes
Á hesi myndini eru omma og Jóhannes mammubeiggi beint omanfyri hjá Samuelinu og Jóannesi, húsini aftanfyri eru tey hjá Jens Guttesen í Torfinsgøtu.
Jú í Grønlandi var alt, sum lív kundi lysta.
003
Anna hjá ‘niðara’ Jóannesi.
016
Tað stuttligasta var, at síggja so nógv kend andlit henda ilsliga morgun.

Lívsins rómi - sum í dessert

Tað var so lívsjáttandi at síggja allar tykkum, sum eg havi kentsíðani ungdómsdagar. Tað besta var at síggja, at tit síggja bara betur og betur út. Báðar frúurnar á Fløtum sóu brandgott út, og onkur hevur lagt av at roykja og skal byrja fitness venjing. Eg meini, tað er bara so herligt at vera í 60unum!

Á matarlepanum í gjárkvøldið var ‘giktamatur’, hvat kann vera betri enn at koma til búgvið væl reitt borð? Neytakjøt, grønmeti og eplamorl? Og vit fingu bæði forrætt og eftirrætt.

008

Myndirnar eru ikki frá í gjár…

01A apríl 04 027

PICT0189

PICT0675

Apr 21, 2013

Góður skúlaflokkur–fyrstiflokkur í Brúna skúla

Nú er Madeleine farin, tað var superkalifragilistiskt at hava hana her í 2 ½ viku. Katrin og Katrin skula hava takk og rós fyri, at tær tóku so væl ímóti henni og duga so væl við sínum ovurstóra 1. flokki. Og frítíðarskúlin í Hornabø er eitt gott stað at vera, eg sendi Annu, sum var so góð og heit, ein góðan tanka.

004

Magna og Herbert hávirða ta stóru Madeleine, sum bæði gongur í skúla og alt.012

Á grøvini hjá abba.

003

Saman við trímenninginum Lív Rósu.

124

Gunnvá og Madeleine eru pennavinir, og nú eisini skúlavinir.

019

Spæla uttanfyri.

015038

Og sjálvandi fór Madeleine ein túr til Dals at spæla við Annfríð, meðan hon var heima.

Apr 15, 2013

Hakin hjá Bjørn Kalsø

Í mínum næsta lívi vil eg also vera journalistur/fotografur, bara troðka seg fram í eina og hvørja samkomu við einum feitum myndatóli og so royna at vera fyrst við tíðindum og myndum. Feitt!
Bjørn, mentamálaráðharri, hevur sjálvur gjørt hakan, sum hann loysti tann fyrsta bøkkin við.
026
Her síggja vit Bjarna Vilhelm, vápnadragara hjá Bjørn, við hakanum. Hakin er sum teir, sum blankskálamenn nýttu, tá ið teir veltu upp úr nýggjum syðradalsmegin eftir at hava flutt eina heila bygd – soleiðis sum vit flyta bygdina Hoydalar út í Marknagil. Mær datt í hug tosið um afturlítandi mentanarpolitikk, varðveitsla av sluppungum og haka. Úss, úss ver nú ordilig Bergljót! tú ert bara avindsjúk, at tú verður ikki við til at flyta út í Marknagil…ná.
011
Tað besta var at síggja eitt fjølment kór – eisini nógvar dreingir. Og so eitt blásiorkestur í durinum á skúlaheiminum.016017
Eg tók myndir av munnbitunum, tað sá herligt út.
020022025
Og so ivaðist eg alvorliga í at taka bøkkin hjá Bjørn við niðan í Hoydalar og gróðurseta eina plantu í bøkkin og leggja hann á Hoydalsfløtu, men eg havi ikki gjørt tað…enn.
027

Apr 12, 2013

"Du forsvinder" eftir Christian Jungersen

Bókin hesa ferð er um eini hjún við einum tannáringasoni. Maðurin hevur ein heilasvull, og verður opereraður. Tann áhugaverdi spurningurin í bókini er, hvør er í grundini normalur. Tey bestu árini í teirra hjúnabandi høvdu verið tey síðstu 3 árini, sum júst eru tey árini, tá ið svullurin hevur gjørt um seg. Frammanundan var hann giftur við arbeiðinum og ótrúgvur við dámum á arbeiðsplássinum. Tannáringasonurin, sum hevur ein heila, sum er ikki fullmentur, ber seg at sum pápin og heldur við sínum heilaskadda pápa. Konan, sum ikki hevur heilaskaða, verður meiri og meiri órímilig og sexfikserað. Hon verður forelskað í einum manni, sum hevur eina heilaskadda konu, sum er púra óhjálpin. Hesin maðurin Bernhard er tann fullkomni partnarin, blíður, hjálpsamur, sexutur og ein dreymur í seingini (og á kølarahjelminum og í einum kamari í einum ervi við einum stóli fyri hurðina), ikki fyrr enn seint í bókini fær konan at vita, at hesin Bernhard  er blivin soleiðis eftir ein heilaskaða……Og síðani vísir bókin á, at rottur verða monogamar av ávísum hormonum í heilanum……Ein partur av bókini eru upplýsingar av ymsum heimasíðum ella heilasíðum á netinum, sum kortini eru uppfunnar, hugsi eg.
IMG_4215[1]
Onkur í Bókastevi helt, at tann mannligi rithøvundurin hevur lagt síni manseyðkenni inn í sítt frásøgufólk, sum also er ein kvinna, so at hon er rættiliga maskulin.

Vit høvdu nakrar hugleiðingar um permumyndina, sum er ein song, formurin av einum fólki sæst undir dýnuni, fólkið liggur á liðini, og bert hondin sæst koma undan, hondin sær út sum ein konufólkahond. Tað sær út sum ein tilsiping til heitið, konan er næstan horvin, bara hondin stingur uppúr, dynan ella lakið sær samstundis út sum aldandi vatn, plássið við síðuna av konuni í dupultseingini er tómt. Tannáringadrongurin er fotografur, hann nýtir nógv vatn sum myndevni. Konan heldur, at maðurin er so nógv broyttur, men við bókarenda sigur maðurin við konuna, at tað er hon, sum hvørvur.
Bókin skal nokk vera realistisk, tey búgva í Farum, og hon brúkar internetið og samtalubólk osfr. Kortini er okkurt órealistiskt við bókini, maðurin snýtir skúlan hjá sær fyri milliónir, og seinni royna tey at skylda uppá sjúkuna…..
Breivik, Brixtofte, Stein Bagger….og nógvir aðrir brotsmenn koma einum til hugs, hava teir allir heilaskaða?
Góð bók, helt eg, men ikki fantastiska frálík. Heilin er ein gátuførur likamslutur, og nógvar av okkum hava havt heilans gátur alt ov nær í okkara privatlívi.

Apr 11, 2013

Børnini í Eiriksgøtu

Heima hjá mær snýr alt seg um børnini í løtuni. Madeleine er miðjan, sum vit snara um, Magna hámetir systkinabarnið og hevur her latið seg í hennara klæði: svimjidraktin er sum eitt smalt skjúrt og turriklæðið feminint draperað um herðarnar, Herbert heldur, at skúlaarbeiðið er mega áhugavert og situr næstan uppi í skúlatingunum og fylgir við. Omman og ommudiddan njóta at fylgja við í barnaløtuni, sum var norsk og var um bátar, ein gentubát og ein dreingjabát, tað sá út til at vera í Mykinesi Smiley, og aldurnar kundu eisini verið í Føroyum.
001002006008

Apr 9, 2013

Familjuferiu í Fraklandi?

Nú havi eg fleiri ferðir skrivað á blogginum um, hvussu herligt tað er í Oyes í Champagne. Húsini hjá Fridu Sofíu og Michel eru til leigu, hon hevur gjørt eina heimasíðu, har hon hevur lagt myndir og prísir. Fyrimunurin er, at tú kanst skriva til hennara á føroyskum og fáa svar á føroyskum. Húsini eru bara 110 km. frá París og 350 km. frá Antwerpen. Her er leinkið og nakrar av mínum egnu myndum úr Oyes. www.champagneforrent.blogspot.com

 

Frankaríki 2012 586Frankaríki 2012 635Frankaríki 2012 655

www.champagneforrent.blogspot.com

Apr 8, 2013

Brúðarvísukvøld

Listinblog hevur á fyrsta sinni skrivað um kvæði, Kinna hevur valt at endurgeva nakrar atfinningarsamar røddir viðvíkjandi kappingini um nýggjar brúðarvísur. Órógvandi er útsøgnin, at ætlanini er at skvisa ‘nørdarnar’ út og lata tey líkasælu inn. Við líka stórum rætti kundi ein sagt, at nørdarnir múra seg inni saman við IPG og lata ikki tey mongu sleppa framat.

015

 

Eg dugi ikki at síggja nakað forgjørt í at fáa nakrar nýggjar, stuttar brúðarvísur, nú ið brúðardansurin er á gravarbakka – ella er partvíst burturdottin. Eingin verður tvingaður at syngja eina nýggja brúðarvísu, kanska kjakið kann gera, at tær gomlu vísurnar verða grivnar fram aftur.

Í hvussu er, var kvøldið í miðlahúsinum frálíkt, nógv fólk og góð skrá. Serstakliga stuttligt, at tey trý, sum yrkt hava, høvdu fyrireikað seg til at siga nøkur orð um sína vísu.

005

Bette í Dalinum

Regin Eikholm og Jákup R. Hansen

010

Eyðun Eliasen

Jákup Reinert Hansen greiddi frá, at longu í Túsundtal frá 1700 talinum er ein brúðarvísa, sum leggur satóran dent á, at maður og kvinna skula njóta sama rætt. Dansurin gekk væl, hugaligt at norðingar vóru komnir suður at syngja vísurnar.

036

Apr 5, 2013

….fram í várið……..sum mær unnar best…

Várið man fara at koma í ár eisini! Aftur í dag er gott veður, í gjár var eisini fantastiskt. Eg havi fingið tann framíhjárætt at sleppa at kaga inn í barnaverðina aftur eina ferð. 1. a í Bruna skúla fer hósdagar ‘Spíran’, sum er úti í Havnardali. Har er so frálíkt, børnini svumu í ánni, taðhelt eg nú var nokso nógv avgjørt. Onkur hoppaði lastikk. Tey hava høsnarungar, klekimaskinu og leiku og tey fáa millummála frá Annu.

124128129

Heima í Eiriksgøtu var eisini útilív á skránni, tey sigu bæði í bjørgunum – nú á døgum eitur tað rapelling. Men tá hava tey allar møguligar trygdarfyriskipanir. Turið fann eina spennandi grein í gjár, um at vit eru alt ov bangin um okkara børn, tey sleppa einki, tey læra ikki at taka kjansir, skilagóðar kjansir, tey verða uggað og róst alla tíðina, tey verða róst eisni fyri slíkt, sum mann bara skal duga fyri at klára seg.

138141145146151152155