Sep 29, 2015

Transilvania 2

Annar dagur byrjaði, sum hvør dagur, við leskiligum morgunmati á hotellinum. Og so gekk leiðin við bussu til Shigisoara.

DSC00212

Ferðamálini vóru trý: Klokkutornið (sum er eitt torn á einum gomlum skanasmúri), Kirkjan á Heygnum og restaurasjónin Dracula Danes . úr klokkutorninum er frálíkt útsýni.

DSC00362

Tað var ein ordans trapputúrur at koma upp í tornið.

DSC00364

 

DSC00352

Í Shigisoara vísa tey á, hvar Dracula varð føddur, eg fór ikki inn, men tey søgdu, at har var kistan hjá honum og kappin! og ljós og ljóð breiddu óhugna inni.

DSC00378

Ein sera flott kirkja var á heygnum, men tað var ein long trappa at taka. Vit sungu tveir sangir, og akustikkurin var góður.

DSC00390DSC00396

Vit fóru so at eta, og menuin var: surprise! gullasjsúpan og kjøt og eplamorl. Nei, tað einasta á túrinum, sum ikki var akkurát eftir mínum smakki var maturin, grísakjøt og eplamorl kvøld um kvøld.                                                       

 

DSC00400

Veðrið var so fínt hesa løtuna, vit sótu uttanfyri til bussurin koyrdi okkum aftur til hús. Sharon og Anna May nýttu høvi at bonda við hárgreiðslu.

DSC00405DSC00407

Sep 28, 2015

Transilvania

Tilelvingin var nokk, at vit hava í skúlanum í Hoydølum Adrianu, sum er úr Rumenia. Hon vildi fegin vísa okkum sín bý og sítt land, so ferðin er fyrireikað av Annu og Adrianu í felag. Og hon var væl fyrireikað. Hotellini vóru fín, morgunmaturin var fínur og túrarnir vóru frálíkir. Tær høvdu sett tríggjar túrar og eitt sokallað rumenskt kvøld á skránna.
Anna og Adriana
DSC00472
 
Tann fyrsti túrurin var til Bran, har ið slottið hjá Dracula er. Mytan um dracula bleiv væl og virðiliga avlívað. Okkara guide saegði meiri enn eina ferð, at henda søgan hevur ongan veruligan botn – men tað vistu vit. Men slottið var sera flott og væl hildið, har vóru møblar og brynjur og annað mangt.
Myndir av slottinum í Bran
DSC00260DSC00266
 
Transilvania er heyggjaland, og allastaðni á heyggjum sást tú skansar, tey hava havt fyri neyðini at verja seg ímóti álopum úr øllum ættum, og ein skansi ovanst á einum heyggi er væl hóskandi til júst tað. Slottið var ein slíkur skansi, og eisini varð skattur kravdur av handilsferðandi, sum komu um skarðið.
DSC00297
Vit fóru á eina matstovu at eta, og móttøkan har var sjáldsom, uttanfyri stóðu tvær gentur onnur við breyði og hin við snapsi, og so var eitt orkestur, sum spældi sína vælkomuheilsan. Vit byrjaðu sjálvandi við gullassjsúpan.
DSC00301DSC00302
DSC00288DSC00291
Síðani gekk leiðin til Brasov, har vit vitjaðu eitt skúlamuseum – ein gamlan bygdarskúla, sum hevði eitt stórt savn av bókum og ein gamlan professara, lærara og prest sum frásøgufólk. Tað var songartíð, áðrenn vit komu aftur á hotelli, og koyritúruin heim var rættiliga langur.
 
Sera áhugaverdur og upplýsandi fyrsti dagur.
 

Sep 22, 2015

Alt stríðið vert

Hvat kann vera vert at standa klokkan 5 sunnumorgun og kóka havragreyt og so eta morgunmat so snimma? Hvat kann vera vert at skula smyrja tríggjar matpakkar eftir at tú hevur verið í Dali, siglt um fjørðin og hevur óhugnaliga høvuðpínu (sum tó varð frægari, tá ið ein kona gav mær Zapp panodil umborð). Glað genta á reiggju. 12023188_10206345277363676_1637921792_n

 Hvat kann vera vert, at verða mint á 20 ferðir um dagin, at tín kokubotnur og eitt 14 mðr. gamalt, sum ikki dugir at ganga, hóska ikki saman? Glað genta, sum hittir ein trímenning.

12028918_10206345270043493_1772849767_n

 

Hvat kann vera vert at sova saman við tveimum børnum, sum taka alt plássið og vakna, tí at tú snorkar?

Glað genta í einum træ.12023179_10206345256123145_1931455312_n

Jú barnasmíl og barnarøddir gera alt stríðið fyri einki at rokna.

Geri tað fegin aftur (tó ikki beinanvegin kanska)

Sep 17, 2015

Anne Lise fyllir runt

 

005

Mín góða vinkona Anne Lise fylti runt nú ein dagin. Hon og Mads vóru við øllum sínum í Spania og hildu sær á gleim nakrar dagar.

Eg havi kent Anne Lise síðani 1971. Anne Lise er ein klók, belisin eitt sindur filosofisk, eitt sindur alternativ dama. Hon hevur grønar fingrar, og dugir sera væl at gera mat. Hon er ein stuttlig vinkona, dugir væl at halda talu og er eitt lívstykki – ikki so sjálvhátíðarlig. Dugir so nógv, sum vit sum kenna hana fáa lut í, kanska spell, at hon hevur verið so lítið í almenna ljósinum við sínum klóku tankum og hugskotum.

Men tó so, hon hevur verið sjúkrasystir og í nógv ár á sjúkrasystraskúlanum, tað munnu vera mangar, sum hava gott at bera Annelisu. Sum allir góðir lærarar er Annelisa eitt sindur av einum sjónleikara, og so dansar hon tango, sum jú eisini er ein dansur sum krevur nakað av sjónleikaratalenti.

DSC01757

Annelisa er danskari í Føroyum, og tað er ein serlig støða. Hon tosar vanliga bara danskt, tað er ein partur av hennara samleika, sum hon er sinnað at verja og varðveita. Hennara danska er eisini so ríkt og litríkt – eisini illbønirnar, sum vit mangan hava undrast á. Jóan Pauli heldur, tær stava úr Herfølge, og hann hevur sjálvur verið og leitað har. Sjálv havi eg ofta funnist at, at fólk tosa danskt t.d. tá ið tey undirvísa í skúlum her á landi, men tað hevur verið vanligt – serliga fyrr, og Annelisa hevur verið í Føroyum í næstan 50 ár, henni varð vist ikki boðið skeið í føroyskum máli og føroyskari mentan.

PICT0672

Sum høvuðstalari og høvuðsdómari í árligari bowling kapping hevur Annelisa sett ógloymandi spor í føroyska ítróttarsøgu. Á myndini krýnir hon Ingun sálu, sum tað árið var bowling drotning.

DSC02338

Góða besta , hjartaliga tillukku, nú ið tú rundar enn eitt horn, tú ert elst í Gantesu, og vit hopa vit vera líka penar og raskar, tá ið vit runda hatta hornið.

Sep 13, 2015

REYÐI KROSSUR FØROYA

Um onkur skuldi verið, sum hevur ikki havt høvi at lata Reyða krossi stuðul er her kontonummar og annað:

20150912_150210[1]

Í dag var landsinnssamlingin. Eg og Magna vóru á Bryggjubakka klokkan 9 eftir einari bússu. Tað besta var, at tey bjóðaðu karamellir á Bryggjubakka. Vit høvdu fingið eina stutta rutu, akkurát passalig til okkara. Vit gingu á Dalavegnum ovast, í Dalakróki, á Marknagilsvegnum yvir til Kerjavegin og so undir Kerjum. Tað var yvirkomiligt, men vit vóru nokso moyrar kl. 12, men tá fingu vit karamellir og vaflur á Bryggjubakka. Tað var hugnaligt at ganga saman við Magnu, vit prátaðu um ymiskt, um hvat reyði krossur er og hvat blái krossur er, um hvat var nógv at geva, og hvat var lítið at geva - og um at tað veldst um. Um relativitet, krónutal og samkenslu.  Magna er fýra ár.

20150912_112751

 

Seinnapartin var eg í NLH til titakið “Hvussu kann eg hjálpa”, sera áhugavert tiltak við viðkomandi framløgum, bæði frá NGO og politikarum. Allir flokkar vilja gera okkurt beinanvegin, so tað verður nokk okkurt at henda SmileSmile Sambandsflokkurin og fólkaflokkurin høvdu onkur fyrivarni, serliga harra Laksafoss, hann helt, at flóttafólkini skuldu í hvussu er duga enskt….ha? er eingin í Føroyum, sum dugir franskt, týskt og spanskt? So avmarkandi kann kvotakravið ikki vera! Og forrestin, um nú allir læknar  og verkføðingar koma til Føroyar, hvar skula so tey, sum ikki hava útbúgving og yvirskot fara?

20150912_124444[1]

Sera ághugavert innlegg frá Gunnvør Balle um støðuna í Íslandi. Hevði verið spennandi at hoyrt meira um hasar flóttarnar á Akranesi. Samstarv við Ísland er heilt vist ein møguleiki, Ísland samstarvar við Noreg.

20150912_164856[1]

 

Sep 10, 2015

Nevndin farin til verka

 

Tað er hugaligt at fara í gongd at lesa, nú ið sjey handrit eru innkomin til skaldsøgukapping bókhandlaranna. Vit hittust nú ein dagin og avtalaðu evstamark og nær vit skula hittast.  Eilen er ikki á myndini

 

nevnd

Tíðindaskriv:

SKALDSØGUKAPPINGIN HJÁ BÓKHANDLARAFELAGNUM Sjey handrit komu inn til skaldsøgukappingina, sum Bókhandlarafelagið skipar fyri. Tað var, tá ið Bókadagarnir endaðu í fjør, at Kári Árting úr Rit & Rák kunngjørdi, at Bókhandlarafelagið útskrivaði kappingina. Treytirnar vóru sum kunnugt, at talan skuldi vera um samtíðarskaldsøgu, sum í høvuðsheitinum gongur fyri seg í Føroyum. Vinnarin fær – umframt útgávusáttmála við Bókadeild Føroya Lærarafelags – kr. 50.000. Innlatingarfreistin var tann 1. september, ið sum kunnugt gjørdist valdagur, og er tað onkur, sum ikki hevur fingið váttan fyri innsent handrit, skal viðkomandi siga frá á hesari  teldupostadressuni: kari@ritograk.fo skjótast til ber. Í dómsnevndini sita: Bergur D. Hansen, Bergljót av Skarði, Pætur M. Dahl, Eilen Anthoniussen og Marna Jacobsen. Dómsnevndin er nú farin undir at viðgera tey sjey handritini, og vinnarin verður kunngjørdur bókadagarnar síðst í november

Sep 5, 2015

Góður leygardagur

Tað var spennandi valkvøldið. Tað endaði tíbetur væl. Hopi bara, at Axel og Høgni og hinir finna eina góða loysn fyri okkum øll.

Í dag havi eg verið uppi í Gundadali, har var kapping millum smádreingir. Harragud, sum teir eru fittir, drøna runt, detta, eru skjótari uppaftur og drøna avstað. Herbert er appelsingulum skóm.

20150905_144427[1]

Magna var so heppin , at stóra Turið hevði ein søguseinnapart heima hjá sær. Har vór glæstribøkur á skránni, so forkunnugt og stuttligt.

untitled

Ja, Turiðsa partur liggur ikki eftir, tá ið tað kemur til at læra børnini mál, málburð, at tosa og at lurta.

20150905_141854

Og so aftur at ýla. Væl nøgd við kompendium, sum eg havi gjørt við góðari tekniskari hjálp frá lítlu Turið. Sjálvandi er altíð nógv at bøta, men tað er bara fínt, tá ið tað er ikki prentað ordiliga. Næmingarnir í ár eru úr eini 15 londum, tað er so undarligt at hugsa sær, at tey koma so langvegis frá til okkara.

20150905_173550[1].

 

11904664_872695336100094_2094012592799635962_n

11951972_10153571536170030_4411322262357342450_n

Á ovaru myndini eru tey uttan fyri í døgurðatímanum, á niðaru myndini eru vit túr á Skansanum.