Sep 14, 2017

Inga Rósa vitjar í eina viku

Vit hava glett okkum til september, og vit hava lagt ætlanir. Vit hava verið á basari við Gjógv, túr í Klaksvík og túr í Gásadali. Familjuføðingardag í Hósvík. Og so hava vit eisini givið okkum stundir at dagføra hvørja aðra um alt møguligt.

DSC00450DSC00451DSC00452

Vit vóru í føðingardag hja Tyrna í Hòsvík, har heilsaðu vit upp á Rakul og Olnu Birgit og mong onnur.

Vit sóu tann nýggja filmin hjá Sakarisi Stórá “Dreymar við havið”, ein góð uppliving. Seinni sóu vit  smádrongin, sum spældi við,  aftur í tí nýggju rammu- og listabúðini í Tórsgøtu og fingu heilsað upp á hann.

Ein túr fóru vit í hagan, vit gingu ikki so langt, sum vit ætlaðu, men tað var deiligt kortini.

DSC00449

Ein fínan túr til Klaksvíkar fóru vit, ørindini vóru at síggja listaverkið hjá Edvard Fuglø í kirkjuni. Tað var fantastiskt, og tað var so fínt, at vit fingu frágreiðing bæði um altartalvuna hjá Joakim Skovgaard og um mosaikkin hjá Edvardi. Væl skipað í Christianskirkjuni, tað má eg siga. Niðanfyri: Jesus metttar 5000.

DSC00467

Niðanfyri: Søgan um , tá ið Jesus varð føddur.

DSC00464

Kvøldskúlin hevur havt busstúr á skeiðsskránni nú nakrar ferðir. Í ár varð farið til Gásadals. Sera fínur túrur. Ferðaleiðarar vóru Jørleif og Óla Jákup Guttesen, sum er bíggjarmaður. Forvitnisligt. Aftaná fingu vit døgurða á Gásadalsgarði, deiligan mat.

DSC00484DSC00486DSC00488DSC00489

DSC00490

Og píkasjey fekk eg høvi at vitja fólk! Fór saman við Kára D. inn á gólvið hjá Bjørn og Elsu Mariu. Har var bara so lekkurt inni. Og á myndini omanfyri sæst útsýnið hjá teim ja hjá øllum í Bø. Eg fór eisini inn at hyggja at húsunum hjá Noomi, gomul væl hildin og flott gjørd í stand.

DSC00492 DSC00494

Nú ið Inga Rósa var heima, tóku vit eitt sjálv, vit systkinini. Turið bjóðaði grind, og myndatólið loysti út sjálvt.

DSC00439

Sep 1, 2017

Skeið um undirvísing í lærugreinini “føroyskt sum fremmandamál.

Skeiðið var á NÁD. Sera breið umboðan millum luttakarar: barnaskúli, serskúlin við Áir, kvøldskúlar, privat skeið. Tey flestu hava læraraútbúgving og royndir við at undirvísa føroyskum børnum. Øll vóru eldhugað, og nógvar góðar samrøður vóru. Skeiðshaldarar vóru Karolina Matras, sum arbeiðir á Setrinum og Lilly Christensen, sum arbeiðir á VUC á Frederiksberg, og sum ger uppgávur fyri mentamálaráðið í DK.

DSC00393

Karolina tók sær av tí teoretiska, og Lilly vísti á mannagongdir og undirvísingarhættir, sum hon hevði havt góðar royndir við. Mín uppliving var, at LIlly dugdi sera væl at lurta og svara spurningum, hon dugdi eisini at fáa áhoyraranar at knýta sína egnu støðu saman við tí, ein lærdi.

DSC00400

Há mær var sera áhugavert at hoyra, hvat av øllum, sum nevnt varð t.d. temu og slag av spurningum,  er í mínum bókum, og hvat ikki er í mínum bókum, sum júst eru gjørdar til hesa undirvísing, og sum eru gjørdar, áðrenn eg havi verið á hesum skeiði. Tíbetur er nógv av tí, Lilly nevndi, innarbeitt í mínar bøkur, fjúúú! Áhugavert eisini at síggja tilsvarandi danskar bøkur.

DSC00407DSC00409

Sum so ofta, tá ið vit savnast á skeiði við undirvísarum úr grannalondunum, so hugsa vit, hatta mugu vit eisini hava ella gera, og vit skrivaðu okkum niður, hvat vit hildu manglaði allarmest í Føroyum:

1. Krøv til tilflytarar um føroysktkunnleika

2. Upplýsing til foreldur at børnum í føroyskum stovnum og skúlum, at tey verða “loftað”, børnini helst áðrenn skúlin byrjar

3. Reglugerðir og leiðbeiningar um føroysktundirvísing við progressión, sum er sambærilig við norðurlond og Evropa. Royndir og próvslkjøl, sum eru eins um alt landið.

4.Einfalda mállærubók ætlað tilflytarum

DSC00404

Skeiðið skrivaði eisini eitt bræv til avvarðandi myndugleikar um støðuna. Ein arbeiðsbólkur varð gjørdur, sum ætlar at arbeiða víðari við onkrum av øllum hesum.

Aug 28, 2017

Norrøna felagið, útferð við gestum

Norrøna felagið í Føroyum, hevði høvuðstaðarfund í Havn. Gestir vóru úr Noreg, Íslandi, Finnlandi og Danmark. Ongin svenskari var við, løgið, men frágreiðingin var, at tey høvdu fingið boðini ov seint.
IMG_20170826_100422
Eg teknaði meg til ein busstúr við gestunum norðureftir. Vit fóru fyrst í vindmyllulundina á Húsareyni, fínt upplivilsi. Tey hjá SEV hava so ofta gestir, at tey hava eina fína skrá til gestir: arkitektur, tekniskur stjór, stjóri og reklamufilmur við vøkrum myndum. Thumbs up. Treyðugt so, at okkurt kann gerast betur. Matpakkin, sum var frá hotel Vágum, var sera keðiligur, ein clubsandwich sum tú fært, hvar tú so kemur á klótuni. Og torført at halda á plastikkpakka, vatnfløsku og breyði alt í senn, serstakliga, um tú, sum tey flestu í hesum hópi, ert farin um miðjan aldur.
IMG_20170826_112453
Næsta stopp var á Norðradalsskarði, so frálíkt útsýni vestureftir. Koks hevur stillað sín ferðahjall har á skarði, okey, men verri var, at rusk sást rundan um henda góða hjall. Thumbs down.
IMG_20170826_123156IMG_20170826_123526IMG_20170826_123531

Nú fóru vit til Gjáar ein túr og síðani til Saksunar. Tað sær út til, at hetta lambið hevur lisið skeltið um grasið.
IMG_20170826_163904
Ingi var leiðsøgumaður í okkara bussi og Randi í hinum bussinum.
Nátturða í Hósvík og konsert í NLH aftaná. Ein so fín skrá, men langur dagur.
IMG_20170826_204320

Aug 25, 2017

“Mál, innklusión og arbeiðsmarknaður”

Seminar um støðuna hjá tilflytarum varð hildið í Smæruni. Tað var NVL (v/ norðurlendska ráðharraráðið) og útlendingastovan , sum skipaðu fyri. Dagurin var skipaður við framløgum og bólkakjaki. Sera nógv fólk vóru við til tiltakið, umboð fyri almennar stovnar, skúlar og vinnulív.
Tað var áhugavert at hoyra um gransking í Skotlandi og Svøríki av “new speakers” og “nyanlãnda”.  Víst varð á, at støðan í Føroyum við skjótt vaksandi tali av innflytarum er einki øðrvísi enn aðrastaðni.
Eitt stórt tema á seminarinum var arbeiðsstøðan hjá fólki, sum koma til okkara við góðum útbúgvingum, men ikki fáa brúkt tær. Málkunnleiki er sentralur, men hvussu væl skalt tú duga málið? Og hví skal mann bæði læra føroyskt og danskt?
Vit hoyrdu trý nýmælt greiða frá sínum royndum á arbeiðsmarknaðinum í Føroyum, og sum vera man, vóru tær framløgurnar rættiliga atfinningarsamar. Tað sama kann sigast um tey føroysku innleggini (Elisabeth Holm, Hans Jacob Kolslíð), sum í stóran mun bygdu á samrøður við tilflytarar og eisini siteraðu tilflytarar. Hesi innlegg og sitat vístu teirra ónøgd og teirra vónbrot. Ógvuslig yvirskrift í Sosialinum vísir eisini, at hjá Andreu Popescu hevur føroyadvølin verið heilt katastrofal.
Niðurstøðan er, her verður arbeitt ov lítið, ov seint ov óskipað við hesum málum….samanborið varð við hini Norðanlond, og sum vanligt eru vit drumbar.
Ikki einki verður gjørt. Nú um dagarnar kom bókin VITI út. Hon er ætlað til framhaldsskeið í føroyskum. Tekstirnir eru autentiskir tekstir, og spurningar eru til hvønn tekst at hava sum íblástur til samrøðu.
105146_r_660_660
Úr innganginum:
Meðan vit bíða.
Nógv verður talað um intergratión, , sum er eitt sera heitt og nógv umtalað evni. Á byrjanarskeiðinum í føroyskum fyri útlendingar á vári 2017 vóru seks ymiskar vitjanir í flokkinum: granskarar, journalistar studentar. Tey vilja vita, hvussu tað er at vera útlendingur í Føroyum, øll spyrja tað sama, so fáa tey tilfar til sína grein, sína uppgávu og sína undirvísing. Vóni, at mentamálaráðið hevur líka stóran áhuga fyri hesi undirvísing, sum hesir gestir okkara.

Mentamálaráðkvinnan varð eisini siterað, og nú skuldi ein trúð, at nøkur troystarins orð og lyfti fóru at koma. Nei. Eg fekk ein skelk av tveimum av útsøgnunum:
1. Nei, politikarar hava tað við at sova. Kanska teir vakna, tá ið útlendingarnir eru vorðnir nógvir í tali.
2. Tilflytarar hava ikki nógva makt, kanska støðan broytist, tá ið tey verða ein maktfaktor

Ikki tað, útsagnirnar eru kanska rættar, kanska erligar, men hinvegin eisini ábyrgdarleysar og visiónsleysar, ein líkasæla sum ikki er álitisvekjandi.
Men ikki einki verður gjørt, tó at vit ikki altíð  byrja í røttum enda, men mann roynir. Seminarið setti hesar spurningar í brennidepil, og komandi viku er eitt skeið á NÁD um hesi viðurskifti.
Og Kvøldskúlin í Havn hevur nú sent sín faldara í hvørt hús, lesið hann!






Aug 3, 2017

Summar 2017 – Lisa

Lisa kom til Føroyar síðst í juni og fer avstað mitt í august. Hon býr hjá mær, og tað er so sera hugnaligt at hava hana. Í morgun til dømis bakar hon havragrýnsvaflur, hvussu cool er tað?

IMG_20170802_113937

IMG_20170727_195603

Lisa arbeiðir á Hotel Hafnia, bæði í reatauratiónini og á Kaspar. Og hon bjóðaði ommu síni á Insanatorium til tosk og rækjur við grønmetissevju og olju / Spísskál, steikigrús og bókhveitikjarnar / stoktan makrel við ertramorli og grønkáli / svínsriv, soð og rótfruktir   og Jogurt, rabarbur og hvonn.

Lisa hevur lokkað meg út at ganga nakrar ferðir, og hon trenar í Handilskjarnanum.

IMG_20170728_154141

Og Lisa skipaði fyri “bindiklubbi” , meðan øll vóru heima í summar (uttan Michel og Louis). Veðrið var gott, so terrassan hjá Turið og Halli bleiv brúkt til fulnar.

IMG_20170724_152640

Og Lisa líkist mammu síni í onkrum! Hygg at skuffuni hjá mær nú. Alt ornað og skipað. Og hon spurdi eftir eini label maskinu, annars kundi hon bara biðja mammu sína senda mær labels. Eg kann saktans!

IMG_20170803_094957 (1)

Jul 31, 2017

Ólavsøkan 2017

Fyri ólavsøku vóru vit í føðingardag hjá Ranju, sum fylti eitt.

IMG_20170727_142307

IMG_20170727_171443

Og vit vóru í Pride gonguni.


Veðrið var fínt ólavsøkuaftan, ólavsøkudag var eitt sindur av regni. Tá ið skrúðgongan kom úr kirkju, regnaði nokso illa, síðani var turt meginpartin av degnum og regn aftur um kvøldið.

Eg var inni í býnum okkurt sum hálvan tíma áðrenn skrúðgongan skuldi vera. Tá vóru fólk ikki komin í býin, bara útlendingar. Tey vóru í góðari tíð, høvdu síni myndatól klár, tað eru altíð nógvir útlendingar í Havn á ólavsøku, í ár fleiri enn nakrantíð. Eg hugsaði, onkra ólavsøku verða kanska fleiri útlendingar enn føroyingar ? Tað hevði verið pussigt.

IMG_20170728_133532IMG_20170728_133745IMG_20170728_133811


Vit sótu eina góða løtu á Kongabrúnni og hugdu at fólki, tað besta er at eygleiða børnini.

IMG_20170728_155302

Sólrun og Lars fóru til kappróðurin, og vit gingu niðan aftur í býin. Klokkan fimm var sjónleikur á skránni. Pallurin til Findus leikin er heilt fantastiskur. Leikurin var ok, nokso seinur, næstan sum at lurta eftir søgu. Ikki nógv drama, men børnini hugdu øll eisini Kristina.

IMG_20170728_154132

Nú var at fara til grillveitslu hjá Annu Mariu og Evu , og TAD var eitt hæddarpunkt. Angus búffar, gott salat og epli og sós. Og deiligt at síggja alla familjuna.

Í mínum huga er ólavsøkan farin at líkjast jólum so nógv, sjálvt heilsanin “góða ólavsøku” er til tað nýggj. Øll siga tað, alla tíðina. Gleðilig jól. Jóladagar um summarið, tað er so deiligt.

Kvøldið endaði í sjónleikarhúsinum. Ormurin langi, Kópakvæði, Flóvin Bænadiktson. Stuttligt at síggja Lisu kvøða við.

Jul 25, 2017

Summar 2017

Summarskúlin vardi sum vanligt fimm dagar, og hann eydnaðist væl. Seinasta dagin høvdu børnini postarenning. Tey vóru í fýra bólkum, og hvør bólkur hevði eitt vaksið fólk. Hvør bólkur hevði sín lit og sítt herróp. Niðanfyri síggja vit tann reyða og tann grøna bólkin.


Mynd hjá Summarskúlin

Seinnapartin fingu foreldrini drekkamunn í Grasagarði, áðrenn vit søgdu takk fyri í ár.

Mynd hjá Summarskúlin

Og nú er familjusamvera fyri allar pengarnar. Vit eru øll her uttan Louis og Michel, sum eru farnir heim. Bara njóta lívið. Hesar myndirnar eru tiknar í góðveðrinum í gár, tá ið vit hittust til familjubindiklubb hjá Lisu (Turið og Halli).

IMG_20170724_120842IMG_20170724_152610IMG_20170724_152738IMG_20170724_152837IMG_20170724_153019IMG_20170724_153048IMG_20170724_153155


Sama dag sum summarskúlin var av, fóru FS og eg við børnum ein túr til Klaksvíkar. Tilelvingin var ein fólkafundur úti í grøv. Um kvøldið gistu vit í Kunoy, og har sóu vit sólina fara um Nestindar. Dagin eftir nýtti eg høvi at heilsa upp á systkinabarnið í Klax.

IMG_20170722_140606

IMG_20170721_225027


Eitt kvøldið vóru eg og Lisa á KOKS, tað var ein uppliving, men sum onkur segði, mann verður nokk ikki stammgestur har.

IMG_20170722_203442