Góður dagur í dag

Í morgun vaknaðu einglabørnini ikki fyrr enn sjey, so greyturin var klárur, og klæðini løgd fram. Tey eru so væl vand og vita so væl, at hetta við at skula av húsum til tíðina, er bara nakað, sum verður gjørt uttan drál. Seinnapartin spældu vit úti, og Herbert lærdi seg at klíva uttanfyri. Døgurðin var høsnarungi og rís, og Magna át við góðum matarlysti, men hon fýltist á, at tað gekk so seint at mettast av einum rískorni í senn ímillum tummil og fremstafingur, so vit royndu við eini skeið. Tá murraði hon av nøgdsemi.