Vesuvius
Í dag fór eg mína egnu leið, Vesuv/Pompeii var ikki á skránni, so eg hevði bókað meg inn á ein túr heimanífrá. Bussurin fór 7.30 frá Piazza del Populo, eg gekk hagar í góðari tíð. Tað eru standmyndir og relieff allastaðni, og so allar fontenurnar.
Busstúrurin til Vesuv tók uml. 3 tímar, eitt “comfort stop” var á vegnum. Tvær kvinnur vóru við sum ferðaleiðarar, tær skiftust at siga frá, í Pompeii høvdu vit guide haðani.
Tær vístu okkum alla tíðina á áhugaverd støð m.a. oynna Capri og Napoli víkina, men tey vóru ikki løtt at avmynda, meðan vit koyrdu, her sæst Vesuv út gjøgnum vindeygað og frammanfyri Inga, ferðaleiðari úr Estlandi. Vit fóru til gongu niðan, fingu at vita, at vit skuldu verða aftur tá og tá. Eg gekk nakað niðan, sá ikki gosopið, men tað gjørdi eingin, tí tað var fjalt í mjørka.
Ruth Harstad (abbi hennara var norðmaður) , vit sótu saman í bussinum og fóru á restaurant aftaná saman. Vegurin var fínur eyrvegur, ikki ov brattur. Ein máltíð var við í prísinum, so nú fingu vit pizza. Og tær gjørdu nógv burturúr at fortelja, at Napolitan er tann ordiliga pizzan.
Nú var tað so Pompeii, sum varð fjaldur undir øsku 24. august í 79 e.K., gosið byrjaði uml. kl. 13. Hetta er alt skjalfest hjá Pliniusi yngra. Tjúgu føtur av øsku lógu á ølum býnum.
Eini 20.000 fólk búðu í býnum. Fyri 268 árum síðani varð býurin funnin, og útgrvstur og restauratión gongur alla tíðina fyri seg. Í býnum vísa tery á tvery sjónleikarhús, eitt stórt torg við templum, ráðh´suið og palace of justice.
Nógv hús smá og stór ríkmanshús, baðihús, handlar, bakarí, gladiatorskúli og horuhús. Ótrúliga spennandi.
Grafitti, freskumálningar og hesin “lívgevarin” pyntaðu ymsastaðni.
Lutir og beinagrindir eru fyri tað mesta flutt á museum í Napoli, men nøkur lík eru á staðnum. Tey eru varðveitt við at plastikk er sproyta inn í holrúmið í øskuni, áðrenn gravað varð. Kroppurin var sjálvandi burtur, men beinini lógu í einum holrúmi, sostatt er formurin intaktur, beinini eru enn innan í.
Tá ið vit komu aftur til Rom og høvdu etið , fóru eg og Ruth at hyggja at sponsku trappuni og Trevi vatninum.
No comments:
Post a Comment