Árið íð fór 2016

Árið , ið vit hava lagt afturum, var eitt ordans ferðaár hjá mær, serliga heysthálvan, eg var m.a. tríggjar ferðir í Íslandi. Um várið var skeið á kvøldskúlanum, so tá helt eg meg heima.  So fekk eg nýggja teldu í føðingardagsgávu, tað er av tí sama óluksáliga torført at finna myndir at seta her fyri teir fyrstu 5 mánaðirnar. Mín teldukøni dótturmaður sigur, legg bara myndirnar á nassin, legg bara myndirnar í skýnum, og myndir av telefon fara tráðleysa leið inn í teldu..….men tað hjálpir ikki nógv, tá ið 6o+ konan hvørki finnnur nass ella skýggj, og dótturmaðurin er langt av landi skotin.
8. mars vóru eg og L. Turið í NLH til kvinnudag. Tað gleddi meg, at hon helt tað var eitt gott hugskot at fara, ja haldi næstan tað var hon sum bað meg koma. Tá ið sýningin var av, og  vit vóru í forhøllini fekk eg eitt sjokk, stóð bara og gapaði, ja eg kendi hana ikki, tí hvussu kann ein vænta at síggja FS í NLH, táið hon er í Belgia, men tað var hon, sum var komin at surprisa meg. Tað var stórt.

Annars er altíð deiligt at vera saman við vinfólkum í mínum “klubbum”, lesi-, kaffi-, og bindi-.


Mai
Framhaldsflokkurin var til roynd og fekk luttøkuváttan.




Juni
Bókin til byrjanarundirvísing liðug! Yeaahh!

Eg sprakk ein túr til Íslands at vitja Ingu Rósu. Hon er so virkin, bæði úti og inni. Nú var hon í ferð við at renovera íbúðina. Vit gingu túr, ótu matpakka í Ljómskálagarðinum, fóru út at eta eksotiskt og á framsýning í sendistovuni. Og Inga Rósa gjørdi so herliga kjøtsúpan.

Hugnaligur túrur í Dali við Bókastevi. Vilhelmina vísti okkum kirkjuna og segði frá.

Juli
Serstakliga torført at velja myndir úr juli mánað. Eg var eina minniliga ferð í Íslandi, sum gav mær høvi at fara út á Drangoy.

 
Summarskúlin 2016 var útferð í Nólsoy.


Seinast í juli var útisetadagur í Dali, vit vóru fjølment í Putlhúsi.


August
Turið fylti 70, og hon beyð okkum í føðingardag í Roykstovuni í Kirkjubø.

Og so fluttu Turið og Hallur og børnini av landinum. Tað var ein stór broyting at skula vera tey smáu fyri uttan. Sjálvandi fór eg við, og sjálvandi havi eg verið har hjá teimum í Valby sum sviðin kattur, men eg gleði meg mega nógv , til tey koma aftur!

Tað ber til at gera OKKURT annað enn at hanga uppi í børnunum, ein túr út við Maritu bleiv tað til.

September
Frálíkur túrur til Orkney oyggjarnar við Norrøna felagnum í Fuglafirði


Oktober
Heystið var stuttligt. Sólrun var heima, og vit vóru við Gjógv. Turið kom heim, og vit vóru í Dali. Myndin er av Ólavi og mær, sum bæði ganga fyri einki, meðan øll arbeiða við fletting, Frida Sofía hevur tikið myndina.














November
Ein stóran part av november var eg og ferðaðist. Ein frálíkan túr í Rom, og leingi í Keypmannahavn, har eg hitti allar døturnar, tí at FS var har eina weekend. Hendan myndin er tikin ein dag, vit hildu bindiklubb á Carl Jacobsensvej. Anina tók myndina.


Desember
Eg helt jól í Reet hjá Fridu Sofíu og Michel, saman við familjuni hjá Michel.

Og á nýggjárinum var eg í Keypmannahavn. Búði hjá Turið og Halli, helt nýggjársaftan í NYhavn hjá Sólrun og Lars. Eg kann saktans!