Vit fóru á loppumarknað. børnini fingu nakrar krónur í part, og so fóru tey at hyggja og velja. Magna keypti smáar hundar og einar inniskógvar og ein kálorm til Kristinu. Ró keypti sær húgvu fyri 10 kr. og Herbert keypti eina standmynd og eina lampu, sum hann ætlar at brúka sum ljósastaka.
Síðani fóru vit á eitt spælipláss har í nándini.
Magnusa tørn at klára forðabreytina, meðan hini danda.
Deiligt at fáa gestir úr Føroyum. Ró og Herbert.
Tann amerikanska grýluveitslan er mánadagin, og frítíðarskúlin hjá Herbert bjóðaði foreldrum og systkjum til Halloween. Turið hevði bjóðað seg til at baka eina kaku. Kakan skuldi vera óhugnalig, so Turið gjørdi ein kirkjugarð, illa røktar gravir, skøltar og annað.
Beinagrindarpartarnir eru úr fondant, formurin var eitt ark av plast.
Gravsteinarnir vóru finskbreyð, pyntað við glasing.
Sjálvur kirkjugarðurin var ein vanlig sjokoskuffukaka. Hon varð flakt og bein stroydd ímillum, hugskotið var at tá ið tú skar í hana komst tú niður á bein. Men tey vóru øll upployst.áðrenn kakan var skorin.
The living dead.
Kristina skuldi vera eiturkoppur, men ræddist seg sjálva í eiturkoppabúna, so.
Í ár fekk eg allar genturnar heim, tær komu eina viku og tvær vikur í part, so at tær sóust tvær og tvær, og eg fekk allar fyri meg sjálva nakrar dagar.
Vit hildu bindiklubb á Suðuroyavegnum, tað hendir altíð nógv , tá ið FS er heima
Frida Sofía var við til sjónleikin “Havfrúgvin”, vit vóru ein túr í Dali og hon var í konfirmatión hjá guðsoninum og vóru til eplafestival í Trøðum á Sandi.
Sólrun drønaði norð til Gjáar, tíverri var hon ov sein til sjálvan raksturin, men hon var hjálparfólk í flettingini. Hon tók eina ær við til Havcnar og mól til fars, og hon betrekti stólarnar hjá mær. Tað hendir altíð nógv, tá ið Sólrun er heima.
Hon var við í føðingardag hjá Tyrna, og hon kom til Dals at hjálpa Turið og Halli við at fletta.
So kom dagurin tá ið tey smáu komu heim at vitja, tey steðga í 14 dagar, og omman er glað!
Tey komu til Føroya fríggjakvøld og brendu suður til Dals leygarmorgun. Eitt er at gera, og annað ikki at forsøma!
