Summargestir úr Íslandi

 Altíð deiligt, tá ið Inga Rósa kemur ein túr, og hesa ferð var tað ekstra deiligt, at Guðný og Kári komu við.

á Suðuroyavegnum

Inga Rósa bjóðar drekka á Noregsveg

Hergerð, Inga Rósa og Olna

Tey fingu gott veður alla tíðina, tey vóru her og gjørdu nakrar túrar. Vit vóru við Toftavatn og tær koyrdu ein túr til Klaksvíkar. Kári var eitt sindur saman við Herberti og hansara vinum. Ein Rotary vinur hjá Herbert var akkurát í Føroyum nakrar dagar.

Og so vóru vit ein tú í Nólsoy. Spælimenninir spæla á caféini, og vit fingu frágreiðing á Ovasavninum.

Ovasavnið

Beinta Greve Clementsen, konsert í kirkjuni

Anna Maria bjóðaði døgurða, Turið HJ bjóðaði døgurða, Turið S. bjóðaði døgurða, so tey hittu nógv í familjuni og fingu mat í munnin , meðan tey vóru her.

Inga Rósa hitti eisini Bókastev, tað er bókaklubburin hjá okkum. Hon kennir tær frá túrinum, vit vóru í Íslandi.

Bókastev á MOSS

Við Toftavatn

Í Nólsoy

Goggan 100 ár

Hans Egholm hevur leingi havt áhuga fyri tíðini og søguni hjá Gogguni, og hann hevur savnað nógv tilfar, sum so varð latið í hendurnar á seniorbólkinum í Sjónleikarhúsinum. Tá tey vóru komin ásamt um, hvat skuldi gerast, var Súsanna Tórgarð biðin um at gera eitt kvøld, har vitjandi kundu sleppa aftur í tíðina ein túr.

Hetta goggukvøldið í Sjónleikarhúsinum var undirhald við ymsum miðlum: frásøgn, dansi, myndum, brotum úr útvarpssamrøðum og stuttleikum. Seniorbólkurin í sjónleikarhúsinum hevði fingið hjálp frá Dansifrøi, sum hevði 4 pør við. Súsanna Tórgarð var leikstjóri og Suni og Black vóru ljóð og ljós. Eyrith og Kirsten vóru garderobudámur. Nakrir dansarar úr Dansifelagnum í Havn og orkestrið hjá Frelsunarherinum vóru eisini partur av framførsluni. Aftaná spældi "tann nýggja Goggan" til dans.

Vit spældi tríggjar ferðir (4,6 og 7 juni) fyri fullum húsi. Tað var stuttligt. Fólk sóu tað stuttliga í okkara sketsjum, tað vakra í dansinum og lótu hugin sveima aftur i gamlar dagar.

Jutta og Dávur

 

Oddvá og Jákup

Sangurin hjá Stig Rasmussen, Goggulongsul

Hitt tølandi talandi lagið, ið suðar um heimastrond,

meg elti og minti á staðið, tá eg fór í onnur lond. 

So sáran tað voldir mær longsul, so sáran mær leingist heim,

"her úti" er bert eitt fongsul, ið skilir meg burt frá teim.

ið heima nú ganga sum vanligt hvønn heilag- og gerandisdag,

og vita sær vist at kunna hvønn einasta sunnudag,

í Sjónleikarhúsið at fara, til ørvandi goggudans,

við Dia sjálvum á odda umframt 6 aðrar góðar mans -

ája, mær leingist - so fegin eg jú vildi við,

á ja - mær leiingist - Men hvat - hvat ...tað gerst ikki við.