High Tea í Oyndarfirði

Turið hevði biðið um borð, hetta var føðingardagsgáva til mín. Fyrst fekk eg biltúr, ein so frálíka vakur túrur henda fagra várdag. Tá ið vit komu til Oyndarfjarðar, vistu vit ikki, hvat hesi Víkhúsini vóru, men so sóu vit fleiri fólk fara inn í eitt hús, og so var funnið.

Henrietta við medaljun

   

Rundvísing var í hesum   valahúsum frá 1856.   Beinanvegin tá ið tú sært   árstalið, hugsar tú um   einahandilin. Jùst so, her   búði handilsmaðurin   Klæmint Høgnesen, sum   hevði verið í kongliga   handlium í Klaksvík í 10   ár.  Virksemið var sera stórt   við fiskaturking,   ullarvirking og binding og   sjálvandi handli. Og húsini   vóru flott og stór, men har   búði eisini nógv fólk, eini   30.          

Vígdis og NIklas

Vit byrjaðu í kjallaranum.
Tá ið vánaligt útróðrarveður var , høvdu útróðrarmenninir, sum søktu Norðhavið, hetta sum uppihaldsrúm. Vit fingu ein lítlan kopp av Colombine te. Síðani fóru vit heilt upp á loftið, og har fingu vit hvítt keisarate upp í koppin. Har uppi húsaðist arbeiðsfólkið , koyggjur og varmi og spískamar..

Húsini eru varðveitt í upprunaligum standi, og sum eg skilti er tað familjan, sum alla tíðina hevur hildið tey við líka. 

Síðani fóru vit longur niður og sóu kømur og stovur. Nógvir museumslutir eru settir til framsýningar. 

Í stovunum var nógv gamalt innbúgv, húsini hava prestakamar. 

Sonurin í húsinum Julius, sum var apotekari, gjørdist Føroya fyrsti filmsmakari, og fleiri tól hjá honum eru á framsýningini í stovuni.

Dóttirin í Húsinum Henrietta, sum var kend í føroyska umhvørvinum í Keypmannahavn, fekk á ellisárum kongsins medalju. Hon varð handað henni í Oyndarfirði, einaferð kongur kom framvið.

Sera forvitnislig vitjan í Oyndafirði. Haðani var omma við Gjógv. Hon hevur kanska upplivað henda handilin og hesi fólkini í sínum barna- og ungdómsdøgum

Bæði Julius og konan høvdu koyrikort so tíðiga í tíðini.

Nú er ikki at gloyma drekkað. Fransbreyðsnittur og nógvar smáar søtar kakur. Alt heimagjørt. Og afturvið var Harlekin te og HC Andersen te.

skones við lemon curd
sarah bernard
kokostoppar
croissant
muffins
mousse

Fólkafundur í Lítlu Dímun

 Tað eru tvey ár síðani, vit bókaðu pláss á útferð til Lítlu Dímun. Vit fingu at vita, at vit skuldu vera klár at fara hósdag ella leygardag, tá ið veðrið var gott. Men veðrið var ongantíð gott, skeiv ætt, mjørki, vindur...og so korona. Men í dag lukkaðist tað. Vit fingu boð í gjár (28/4), og so máttu vit blaka alt, vit høvdu fyri henda hósdag og fara við Smyrli til Suðuroyar. Vit vóru 8 í ferðalagnum. Veðrið var frálíkt, ikki ein ond. Smyril er eitt deiligt skip, børnini fingu tíðina at ganga við talvi og øðrum.

Alt var sera væl fyriskipað, hvalbingar høvdu stóra manning í eyðkennisbúna, sum var til reiðar at hjálpa og práta allan vegin.

Tyrlutúrurin úr Hvalba tók 5 minuttir, og so vóru vit har á tí legendarisku Lítlu Dímun, har bara seyður og fuglur býr. Fyrst niðan á tað hægsta punktið, síðani á fólkafund. Vit sungu nakrar sangir, og Hamradun sangarin og Uni Debes spældu nakrar sangir.

Røðari var Mercedis, talan var ein hálovan av Føroyalandi og staðfesting av, at vit eiga hetta landið....og so hevur Lítla Dímun fingið brund norðaneftir.  Heini Holm skipaði nøkur ørindi úr Brestis kvæði.

Men veðrið tú, tað helt sær allan dagin. Og tá ið vit komu til Hvalbiar aftur, fingu vit góða súpan.

Áðrenn vit fóru aftur á Krambatanga, fóru vit biltúr í Hvalba, bæði á Norðbergseiði og Fiskieiði. Ein so frálíkur dagur, og vit vóru ikki so seint aftur í Havn.

Menniskjan og náttúran

Páskir 2022

 Eg fór til Dals langa fríggjadag, við mær komu Magna og Kristina. Tað var hugnaligt og fjálgt at koma inn í Putlhús. Tær settu seg at tekna. Tíverri vóru vit ov seinar til stikkbóltin í skúlatúninum tað kvøldið. Johild er so virkin í felagslívinum, og hon leggur myndir út, so vit fáa fylgt við. Deiligt. Og stikkbóltur varð spældur aftur , og tá vóru Putlhúsbørnini uppií.

tær mála páskaregg

 Leygardagin spældu Magna og Oddbjørg ein stóran part av   degnum, og tað bleiv eisini til eina vitjan á kaffihús á Mølini. Um   kvøldið var filmur og kips v. dypp á slránni. 

 Páskamorgun spurdi Kristina, er tað í dag vit skula í pen klæðir?   Og tá ið tær komu av loftinum, vóru tær so fínar og penar. Men   nú fór Magna í aktión, hon fekk Kristinu at leggja putlispæl,   meðan páskaharan gjørdi síni loyniting. Og píkasjey, tá ið   Kristina kom í køkin, vóru øll páskareggini burtur og bara ein   seðil um, at hon skuldi leita. Og so var eggjaveiða í gongd,   Magna er fínur pedagogur, tá ið hon tímir. 

eggjaveiða

Páskadagur er hátíðardagur, og í ár var eyka hátíðarligt, tí at barnadópur var í Dals kirkju. So festligt. Messudagur var, og tað var hent, at vit fingu skránna í hondina. Og so var tað barnið, og tavadenn bleiv Eyðbjørg, mín gamla vinkona, uppkallað, Eyðbjørg Hergeirsdóttir Nolsøe eitur gentan. Tað var frálíkt at síggja hesi ungu vøkru fólkini fylgja gomlum siðum og skikki í Dals kirkju. Sólfríð hevur lagt hesa myndina á FB, so eg vænti, hon hevur einki ímóti, at eg brúki hana.

Seinnapartin hátíðarhildu tey barnadópin í Eiriksgarði við einum góðum drekkamunni. Øll tey hjá Sjúrði og Eyðbjørg vóru til staðar. Eyðbjørg fortaldi mær, at nú eru ommubørnini 15 í tali, og hon er langomma. Stikk denn.

megin sterk er í tínum gula horni..

Ein stór uppliving er eftir at siga frá: 2. páskadag lokkaði Turið meg við sær og børnunum at ganga úr Húsavík til Skálavíkar. Vit gingu yvir heiðina, eftir vørðunum. Tað er ein lættur túrur, vit brúktu 5 korter, og eg gangi ikki skjótt. Í Skálavík vitjaðu vit minnisvarðan yvir sjólatnar, og ein undrast og virðing vekist í barmi at síggja hesi nøvn og hugsa um hesar lagnur. 11 menn sjólótust 24. feb. 1878 í Suðuroyarfirði.  Má hava verið ein dyggur smeitur fyri bygdina. 

Í Skálavík fóru vit á kaffihús. Har er so hugnaligt og flott, og so er tað eisini sum eitt museum.

Tað vóru tíðir !! :)

Árið ið fór 2021

2021 , annað Koronuár, var merkt av ferðum í Føroyum. Herligar ferðir saman við familjuni. Og vit høvdu eisini gestir ein part av árinum. Árið var eisini merkt av KETO, helt eina serliga matskrá frá sept. 20 til sept.21, misti gott og væl 30 kg.

Januar

Frida Sofía var í Føroyum nakað inn í januar, Louis var her og skuldi fara suður á Eftirskúla.  Eitt kvøld hittust nøkur okkara til døgurða á Suðuroyavegnum.

Februar

Fastalávint er stór høgtíð her í húsinum, tí at Turið er so røsk og ambitiøs í grýlulandi.

Men nú er tað tíbetur vorðið so, at hvørt ár fer eitt av børnunum í grýlubúna frá í fjør. 

Kópakonan og einoygdi Tórur á áttabeinta Sleipnir var ein

coup de force hjá Turið-

Var ein túr í Dali saman við Hendriki, vit vitjaðu verkstaðið hjá Bødvari

Bókarfundur á Suðuroyavegnum

Mars

FS aftur í Føroyum, túr til Mikladals.

Apríl

Ingibjørg helt stóran føðingardag (90) í Starvfelags húsinum.

Madeleine var í skúlanum á Fløtum várið 2021

Mai

Hjørdis helt rundan føðingardag fyri familju og vinum. 

Vit fóru suður at vitja Louis á Eftirskúlanum. Vit gistu í Øravík og gjørdu útferðir.

Øravík

Sólrun og Lars vóru ei svipptúr í Føroyum.

Juni

Í juni fóru eg og Turið systir ein túr til Fugloyar at vitja gamlar gøtur og gomul minni.

Ein túr yvir á Kirkju

Vitjað Mikkjal Petur

Norð um Múlan

Juli

Ein Mykinestúrur er ikki at forsmáa, so eg var glað við boði, tá ið lítla Turið beyð mær við. Vit fóru út við tyrlu og heim aftur við bát. 

Joanne og eg

Hetta var áðrenn lundalandið leyp

August

Vit hava troðið dansin í Bókastevið, túrurin til Leirvíkar er altíð serstakur. Hesa ferð hevði Osla fingið Stumman Hansen at siga frá. Og vit vóru í Mikladali og sóu leikin um Kópakonuna hjá Eyð Matras.

Stóra Turið helt stóran føðingardag í summar, sera stórur partur av familjuni nýtti høvið at hittast.

Shahin og Eina

Sigri og Chik

Føðingardagsbarnið og Lív

Forkunnugir døgurðagestir

September 

Seniorbólkurin í Sjónleikarhúsinum hevði sína fyrstu sýning av Tik-tok-antikk kvøldsetuni. Tað var stuttligt at vera við í hesum tiltakinum.

Karin, Anna, Oddvá, Nora, Tórði, Pól, Gunnhild

Oktober

Fáa matin til hús, í Bakkakjallaranum. Turið, Sólrun, Símun og Herbert

November

Í november fóru eg og Turið systir ein túr til Reykjavíkar.

Desember

Jólini vórðu hildin í Suðursvøríki. Vit vóru 17 fólk. Fyrst var eg nakrar dagar í KBH. saman við Lisu. Síðani eina viku hjá Sólrun og Lasrs í Hishult. SOOO deilig jól saman við øllum.

'