Aug 25, 2020
Anne Lise farin
Aug 20, 2020
Móðurmálsskúlin
Eg sá eina lýsing á FB, tey lýstu eftir einum móðurmálslærara í føroyskum. Fyrst helt eg, at tað var Føroyahúsið , sum søkti, men tað var Modermålskolen á Enghave Plads. Eg fór sjálvandi at googla beinanvegin. Tað er kommunan, sum rekur skúlan, og hann heldur til í Tove Ditlevsenskolen á Enghave Plads.
Eg fór at vitja tey, tí eg helt tað hevði verið spennandi at hoyrt/ sæð .
Eg hitti tvær damur á skrivstovuni, sum greiddu mær frá, men tær sótu jú og arbeiddu, so eg fekk ikki spurt so nógv, sum eg vildi.
Tey undirvísa í 30 móðurmálum! Børnini koma inn á Enghave Plads leygardagar. men á summum skúlum fáa tey hesa undirvísing í sínum egna skúla eftir skúlatíð. Aðrar kommunur kunna tekna børn til skúlan og gjalda ein prís. Tey hava umleið 2000 næmingar.
Hetta er eitt tiltak, sum vit mangla í Føroyum, og sum vit eiga at byrja. Eingin sigur, at vit skula hava 30 ymisk mál beinanvegin. Men byrja í smáum, tað eigur at bera til at gera samarbeiði við foreldur at tilflytarabørnum. Altjóða reglur og sáttmálar hava hetta sum krav ella endamál, at børn hava rætt til sítt móðurmál, tað ger tey betur før fyri at ogna sær onnur mál og mentanir.
Um onkur føroyingur í Keypmannahavn við áhuga í máli og mentan, kanska læraralesandi, so er her eitt fínt studiujobb! Samband: cp3i@kk.dk. Tel.27770333.
Aug 18, 2020
Keypmannahavn á sumri
Tað er kvalandi heitt at koma til Keypmannahavnar henda augustdagin. Munnbindið ger tað ikki frægari. Men túrurin inn á Kgs Nytorv við Metro gongur skjótt og væl. Og so eri eg jú komin fram, eg seti meg eitt bil á Hviids og njóti eitt glas av hvítvíni. Tá ið eg komi til hús, eru Sólrun og Lars á veg til konsert. Og eg sleppi við. Konsertin er í garðinum á hotel Albert. Og tað var Simona, sum byrjar við eini trummusolo. Men kvøldsins maður er Lars Lillholt.
Hann syngur danskar sangir, Og hann greiðir frá sangunum so hvørt. Ein sangur var um átta mótstøðufólk, sum blivu avrættað eftir kríggið, Hvidsten kro gruppen. Ein annar sangur var um tá ið England bombaði Keypomannahavn 1807. Sera fangandi.
Meðan konsertin var ótu vit sushi..
Ì kvøld vóru Lisa, Nichlas og eg til sjónleik í Ørstedparkini. Tey (Shakes) spældu Macbeth. Sera ótraditionelt spæl, tey vóru bara 4 fólk til allar rollurnar . Hóast tey fylgdu søgugongdini hjá W.Sh. høvdu tey eina sera forfrískandi respektleysa tilgongd, og búnarnir og propsini vóru stuttlig og kreativ.
Móti endanum av leikinum fór at regna, og tað var ikki við mýkindum. Droparnir vóru sum høsnaregg. So flýddu vit og fóru á eina marstovu í nánd.
Síðani koyrdi Lisa meg til hús. Fínur dagur.
Aug 16, 2020
Hoygaðurin, áin og sól.
Turið S. hevur verið nakrar dagar við Gjógv. Hon málar. Fríggjadagin fór eg við gentunum norð. Tær høvdu vátdraktir við. Tað var sturrligt at síggja tær í ánni. Teir smáu fossarnir í ánni vóru sum glíðibreytir. Tær gingu gjøgnum ánna heimaeftir.
Seinni vóru vit túr, og tá ið kvøldið kom fóru tær í soviposan á hoyloftinum.