Vaksandi til skrið

Ætlaði at fara suður, men tað er so ruskut veður. Í  gjár avlýsti Teistin tveir túrar, so tá hevur verið nakað ruskut. Ordiligt inniveður, tó tað vísir seg, sum alt veður er inniveður hjá mær í løtuni.  Havi sitið og lært meg eina binding tey kalla dominobinding, tað er stuttligt, mín prøvi er ikki so nettur og fínur, men mátan havi eg so lært. Hevði riggað væl til eitt teppi ella ein jakka.  So havi eg sitið og trenað meg at skriva við fyllipenni, hann er ein konfirmatiónsgáva hjá Hans Mariusi. Annars eru stílar at rætta á skránni, og so hatta telduskeiðið í skúlanum, sum fær ongan enda AB 4  eitur hetta modulið.

Í gjárkvøldið var eg til døgurða há Sólveig, fekk blóðmør, reyðkálsalat og fylt súrepli við marsipanloki omaná. Og kaffi, Sólveig er góður kokkur. Tíverri hevði eg ikki myndatólið við.

Lívið er ikki so galið kortini

Vikuskiftið hevur verið fjálgt og gott, nógv fólk at práta við um mangt og hvat. Var fríggjakvøldið til Jesus Christ Superstar saman við Sólveig og Turið, leygardagin í ársveitslu hjá Tøkum lætt og sunnudagin til bókadag Rithøvundafelagsins, har var upplestur m.a. las Gunnvá yrkingar hjá Sigri. Alda og Pauli vóru eisini har. Turið var í pallborði, sum tosaði um skaldsøguskriving. Aftaná fóru Turið, IR og eg at fáa okkum okkurt á Hvonn.

Jesus Christ Superstar

Var í NLH í gjárkvøldið. Ein góð uppliving. Jesus sang sum ein eingil, og einglarnir sungu eisini væl. Judas var sera sannførandi sum tann desperati skuldarbundni, illa svikni svíkjarin. Realistisk framførsla við sjálvmorði og morði. Ikki til smábørn. Pilatus imponeraði...tey vóru fantastisk!Myndin er úr Dimmu via Facebook.

Elin – diddan hjá Sheidu og Firouzi

Var inn á gólvið undir Fjallið í dag. Elin var uppi akkurát, so elskulig og vøkur.

Framsýning í Norðurlandahúsinum.

Jóhanna av Steinum hevur skipað fyri eini framsýning av verkum hjá gjáarkonuni Katrinu Mariu Hansen frá Gjógv og sínum egnu bundnu pløggum. Sera nógv fólk var til fernisering og fyrilestur.

Fríða í Eirksgøtu

Dalur – Dal – Dali -Dals

Petur Martin reinsar gásarungar, Hans Magni og Hansina draga hoyggj. Á Sandi taka tey upp epli, og Sanna bindur jólagávur. Diddan hjá Vinnie er bara so yndislig. Hyggið sjálvi! Hatta merkiliga grøna og gráa er ein troyggja, sum Sunneva Elisabeth bindur.