Det norske teatret

 Det norska teatret er stovnað í 1912 nøkur ár eftir Nationaltheatret. Endamálið var at spæla leikir á nýnorskum. Sjónleikarhúsið hjá teimum er frá 1985, tað er í Kristians 4. gøtu mitt í Oslo. At staðseta málleikhúsið í Oslo í 1912 var ein sera medvitað gerð, tí at tað var har danska embætismansstættin var samlað.

Hulda og Arne Garborg vóru teirra millum, sum vildu fremja nýnorskt. Í sjónleikarhúsinum eru 

bringumyndir av fleiri av teimum kendu nýnorskthøvundunum  t.d. Tarjei Vesaas og Ivar Aasen, og í seinnu tíð hava tey spælt tekstir hjá Jon Fosse.

stásiligan bygning mitt í Oslo við fleiri pøllum

tey skipa eiisni fyri mentanarkvøldum og øðrum tiltøkum

fyrlestrarsalur/foyer

Asbjørn Høglund: Dreymkvæðið (1985), hongur uppi undir loftinum

Olav Duun er norskur klassikari, og Tað norska sjónleikarhúsið sær tað sum eina av uppgávum sínum at halda lív í klassikarum. Í ár fyllir Olav Duun 150 ár, og tey hátíðarhalda tað í sjónleikarhúsinum.

Leikurin, eg sá frumsýningina av, var Medmenneske   (1929) hjá Olav Duun. Tá ið eg kom hagar hetta kvøldið, var ein samkoma, har ið talari tosaði um Olav Duun, sum Sigrid Undset kallaði Noregs størsta  skald. 

Leikurin snýr seg um eina familju. Eitt eldri par, eitt yngri par og eina gamla fastur (Kvitugla) á loftnum. Temað er óndskapur, og tann eldri maðurin Didrik umboðar hann. Hann er harðligur, sjálvsøkin, lumpar og lýgur. Sonarkonan Ragnhild er góðheitin sjálv, vil hjálpa øllum, mild og fyrigevandi. Men so hendir tað, at Ragnhild hevur fingið nokk av verpápanum og hansara kúgandi atferð. Hon drepur hann vð einari øks, og hon gera tað fyri Hákunsa skyld, Hákun er maður hennara. Men eru tey óndu ikki eisini medmenniskju? Og sum Olav Duun sigur, mann kann ikki drepa óndskap við øks.

MUNCH savnið

Tað nýggja MUNCH savnið niðri á havnarlagnum í Bjørnvika er ótrúliga flott og ræðuliga stórt. Har eru 3 hæddir, og nógvar framsýningar.

- siðbundin sýning við Munch málningum

. tvær sýningar við heilt býggjari list, kallað Munch trienale

- sýning  við verkum hjá listarfólkið, sum hava fingið íblástur av munchsa verkum

- sýning um heimið hjá Munch Ekely uttan fyri Oslo, sum hann keypti í 1916

løsrivelsen 1894

arv 1897

av 12. hædd

Tjóðpallurin í Oslo

 

Nationalteatret frá 1899

Sagaen om isfolket

Leikurin ið var á skránni, nú ið eg var í Oslo, var Søgan um ísfólkið hjá Margit Sandemo. Hon skrivaði 47 bøkur  um hendan ættarbólk, sum býr í einum dali. Tað óhugnaliga er, at í hvørjum ættarliði skal koma ein persónur, sum er óndur.

Leikurin var samandráttur av øllum bókunum og var eisini sera langur , 3 1/2 tíma. Tað hendi nógv alla tíðina, og allir hugsandi effektir vórðu brúktir: frásøgufólk, fleiri skíggjar, roykur, ómenniskjanslig ýl og stunan í hátalaranum og ljós, blinkandi knallreytt ljós og reyður ljóskastari út í áskoðaran. Sum lesarin kanska longu hevur gitt, var tað mær ovboðið. Lítið av sjónleiki, meira av effektum.

Leikurin vísti nøkur ættarlið í hesum ævintýri, fleiri børn komu til verðina á pallinum undir rópi og venan, tað var jú spennandi um barnið, var "rakt" t.e. ónt. Eisini erotiski leikurin, sum hendi áðrenn barnið, varð vístur á pallinum. Persónar vóru ein familja, pápin har var "óndur", hann var gitin við drekasáð, tað sást á akslunum á honum, sum høvdu drekahúð við peiggjandi pinnum, men hann hevði megnað at standa ímóti óndskapinum. Ein hurð varð latin upp til undirheimin, og út tustu devlar og skrímsl, svartir einglar og ein hvítur eingil niður úr loftinum við einum ovurstórum "tú veitst" millum beinini. Hesi "óndu" leikaðu í á pallinum, og ein "syndin" tey framdu, var sjálvandi sex.

Men sjónleikarhúsið er so flott, fleiri balkongir og losjur undir loftinum, frálík barr. Men eg veit ikki, hvussu leikurin endaði, tí eg fór avstað í steðginum. Spurdi fleiri har, um teu høvdu lisið bøkurnar, ja næstan øll høvdu lisið bøkurnar sum yngri. Har var fult hús, skal sigast.

Jólini 2025

 Í ár vóru vit øll saman jólaaftan. Vit vóru 23 til borðs og Lars var kokkur.. Vit vóru á Sandi, vit høvdu trý ymisk hús. Tollaksmessu dag vóru vit í Bænadiktstovu,                    jólaaf

tan fyrst í Sandabrekkuni síðani við Gróthusvatn, jóladag miðmála við Gróthusvatn og 2.dag á Suðuroyavegnum hjá Holm Joh. 

Hvat kann frøa eitt ommu hjarta meira? 

Summi fóru avstað 2.joladag, og síðani pø á pø.                                                                              

Undan jólum

 Í ár havi eg serliga nógv at gleða meg til, tí tey koma øll heim at halda jól.

Í atventini vóru vit systrarnar uppi á Hotel Føroyum til NÒNTE. Tað var ein hugnalig løtu, friðarlig og innilig. Stuttligt, at Elvis og Bing Crosby vóru á skránni.

Heiðrikur og Guðrið høvdu undirhaldið

Og so var systkinabarnaballið!! Tað hevur verið so av og á gjøgnum árini. Vit hava verið ymsastaðni, í ár vóru vit á Skúlaheiminum í Marknagili. Vit vóru næstan 60 í tali, so uppmøtingin var góð, av systkinabørnunum manglaðu Gudny og lítla Bergljót. 

Tað var smanskot, nógvur og góður matur, vit byrjaðu kl. 17, tí at summi børn eru so smá, at tey fara tíðliga í song. Tíverri vóru langommusynirnir Herman og Marius farnir til hús og foreldrini hjá teimum, áðrenn vit tóku myndinar.

Sigri helt veitslutaluna, persónlig og fevnandi, men eisini ein áminning um tíðarinnar álvara.

Kristina sang "Hvítar flykrur", Hallur gjørdi spurnarkapping, og Tòrður hevði gittarin við. Gott at vera partur av hesum stóra fjølbroytta hópi.

Myndatekstur til vantandi mynd: Jákup, Niklas Pætur, Eina, Eve, Pauli, Kitty, Ruby, Marja, Michel, Lars, Hallur, Nicklas, Simone

systkinabørn

trímenningar og ein úr 4. liði

Slíkar dagar senda vit ein tanka til teirra, sum eru farin undan okkum. Elspa & Jógvan og Sjúrður og Hans Marius og mong onnur,  og ein fær hesa ketukensluna.  Og Búgvi, sum ikki var við.

Arið ið fór 2025

 Januar

Gantesufundur hjá Sonju

Bindiklubburin hevur verið til síðani 1971, tað er meira enn 50 ár síðani, vit hittust á kollegi'inum Solbakken í Keypmannahavn. Tá vóru eisini onkrar aðrar við, og seinni er Astrid komin uppí.

Vit hittast uml. eina ferð um mánaðin. Onkuntíð hevur verið longur ímillim. 

Februar

Svágur mín Vitus farin. Hann hevur verið sjúkur av krabba í mong ár. Hann er tann seinasti av teimum trimum Putlhúsdreingjunumm so fækkast. Tað er deiligt at kunna fara inn til skyldfólk í Dali, nú er Turið so einasmøll í húsi, har er altíð fjálgt at koma inn.

Vitus farin

Mars

Altíð gott at fara ein svipptúr niður at síggja familjuna. Hesa ferð vitjaði eg eisini Berg og Simone í Espergærde. Og so bjóðaði eg teimum eina máltíð í SULT, tað er í Cinematekinum yvirav Kongens have. Suttligt at síggja systkinabørnini, Herman og Lars saman. 

Herman Lars etur víndrúvur. Ajax eygleiðir hann.

Eta á "SULT" 

systkinabørnini Herman og Marius

Apríl

Apríl

Kristina og Glóð ein familjutúr í Hoygarðinum

Mai

Í mai var eg ein minniligan túr í Limerick, havi áður skrivað bloggar um hann. Tað vóru sum vant Anna og Herleif, sum skipaðu fyri. Ein frálíka væl skipaður, upplýsandi túrur. Keypti mær ein so frálíka vakran ullintan kepp.

Juni

Nú ið eg fylti 75, helt eg tað var so stutt síðani, eg helt 70 ára dagin, at eg slepti mær av landinum. Altíð deiligt at vitja familjuna í Reykjavík.

Inga Rósa er í krabbameinsviðgerð

Tær báðar syngja fyri mær, og gávan er eitt íslendskt teppi

Juli

Vit sita væl hjá Turið systur í Leivsgøtu. Summargestir.

Símin Hannus og Tórhild

Beint fyri ólavsøku var eg í silvurbrúdleypi í Dali. Símin Hannus og Tórhild gjørdu stórt gildi og borðreiddu við øllum góðum.

 Og so er tað ólavsøkan, tá eru altíð flottar myndir at fáa.

kunningar úr Hebridunum

Avgust

Durita og Bergur

September

!0-17 september fóru vit tríggjar til Spania við 62N. Túrurin gekk fyrst til Camprodona, har ið vit búðu á 100 ára gomlum hotelli. Sera sjarmerandi hotell, sum varð bygt til rík fólk úr Barcelona, sum skuldu hava fríska luft, býurin er í 1000m. hædd.

í Santa Clotilde urtagarðinum í Lloret

Var eisini ein túr í Íslandi saman við Kristinu, sera stutt men gott.

Oktober  

Sjónleikur var í Varpinum í Klaksvík. Tað var skemtileikurin "Friður á pallinum". Sólveig og eg fóru saman.

Túr á UMAMI við vinkunum

Jóna Joensen, sum býr í Sveis, var heima og hevði bókarframløgu í Gl bókhandli. Bókin eitur Frí og er ein søga, men eisini ein uppskriftabók.

Jóna Joensen

Laura er mostir høvundin, og hon las eitt brot úr bókini.Sólveig og Bergur sita sum undir lestri.

November 

Var í Tilhaldinum og spældi sjónleik saman við Linubólkinum

Desember

Osla var vertur ársins síðsta bókastev, ein deiligur dagur í Leirvík.

22. desember var systkinabarnaball á Skúlaheiminum í Marknagili. Tað var hugaligt at síggja so mong í familjuni. Myndirnar verða so frálíkar at hava at hyggja at í komandi tíð.

SYSTKINABØRN .Bergljót og Guðny mangla

Trímenningar pluss Lítla Alda

Vit hildu jól á Sandi, vit vóru mong í tali og høvdu trý hús. Lars var kokkur jólaaftan, og tey løgdu eisini hús til . Tollaksmessudag vóru vit í Bænadiktsstovu og ótu pitabreyð, jólaaftan ótu vit turt kjøt og epli hjá Turið og Halli í Sandabrekkuni, og um kvøldið sum sagt hjá Sólrun og Lars. Herligt at hava tey øll rundan um meg. Deiligt at síggja tær ungu vaksandi familjurnar. Annan dag var døgurðaboð á Suðuroyavegnum.

Duponts

Holm Johannessen pluss gomul

omma og abbi strála

Løkke